ദീപങ്ങളുടെ ഉത്സവമാണ് ദീപാവലി. തിന്മയ്‌ക്കെതിരെ നന്മ നേടിയ വിജയമായാണ് ദീപാവലി ആഘോഷിക്കുന്നത്. ഇരുട്ടിന് മേല്‍ വെളിച്ചവും നിരാശയ്ക്കെതിരെ പ്രതീക്ഷയും നേടിയെടുക്കുന്നതിന് ദീപാവലി ആഘോഷിക്കുന്നുവെന്നാണ് ഐതിഹ്യം. ഈ വർഷത്തെ ദീപാവലി തിങ്കളാഴ്ചയാണ്. വീട് വൃത്തിയാക്കി അവസാന വട്ട ഒരുക്കങ്ങൾ പൂർത്തീകരിക്കുന്ന തിരക്കിലായിരിക്കും ഈ കാലയളവിൽ ഏവരും. എന്നാൽ ഒരു വൃത്തിയാക്കൽ വീഡിയോ ആണ് ഇപ്പോൾ വൈറലാവുന്നത്.
വീടിന്റെ ജനാലകൾ വൃത്തിയാക്കുന്ന ഒരു സ്ത്രീയുടെ വീഡിയോയാണ് സോഷ്യൽ മീഡിയയിൽ വൈറലാവുന്നത്. പ്രത്യേകതയെന്തെന്നാൽ അപ്പാർട്ട്മെന്റിന്റെ നാലാം നിലയിൽ നിന്നുകൊണ്ട് അതി സാഹസികമായാണ് ഈ യുവതി വീടിന്റെ ജനാലകൾ വൃത്തിയാക്കുന്നത്. ജനാലയുടെ ഇടുങ്ങിയ അരികുകളിൽ യാതൊരു പിന്തുണയുമില്ലാതെയാണ് അവർ നിൽക്കുന്നതും ഒരു തുണി ഉപയോഗിച്ച് എളുപ്പത്തിൽ തുടക്കുകയും ചെയ്യുന്നതെന്ന് വീഡിയോയിൽ വ്യക്തമാണ്.
പത്തുലക്ഷത്തിലധികം പേർ ഇതിനോടകം തന്നെ വീഡിയോ കണ്ടുകഴിഞ്ഞു. യുവതിയുടെ സാഹസികത കണ്ട് സോഷ്യൽ മീഡിയയൊട്ടാകെ അമ്പരന്നിരിക്കുകയാണ്. എന്നാൽ ഇത്തരം സ്റ്റണ്ടുകൾ നടത്തുന്നത് പ്രൊഫഷണലുകൾ മാത്രമാണ്. നിങ്ങളുടെ വീട്ടിൽ ഇത്തരം സാഹസങ്ങൾ ചെയ്യരുത് എന്ന് ഒരു ഉപയോക്താവ് കമന്റ് ചെയ്തിട്ടുണ്ട്. ഈ വീഡിയോ കണ്ടതിന് ശേഷം തൻറെ ഹൃദയമിടിപ്പ് കുറച്ച് നേരത്തേക്ക് നിലച്ചെന്നാണ് മറ്റൊരാളുടെ കമന്റ്. ഇത് യഥാർത്ഥത്തിൽ ഉടമയാണോ അതോ വീട്ടുജോലിക്കാരിയെ കൊണ്ട് ചെയ്യിപ്പിക്കുന്നതാണോ എന്നും ചിലർ സംശയം ഉന്നയിച്ചു.
Agar inke ghar Laxmi ji nahi aayi toh kisi ke ghar nahi aayegi Diwali pe pic.twitter.com/SPTtJhAEMO
— Sagar (@sagarcasm) October 20, 2022
