കണ്ണൂരില്‍ ഓടുന്ന കാറിന് തീപിടിച്ച് ഗർഭിണിയായ യുവതിയും ഭർത്താവും മരിച്ചു. കുറ്റ്യാട്ടൂര്‍ സ്വദേശിയായ പ്രജിത്ത്(35), ഭാര്യ റീഷ(26) എന്നിവരാണ് മരിച്ചത്. കാറിലുണ്ടായിരുന്ന കുട്ടിയടക്കമുള്ള നാലു പേരെ രക്ഷപെടുത്തി. ഇവരെ ആശുപത്രിയിലേക്ക് മാറ്റിയിട്ടുണ്ട്.
കണ്ണൂര്‍ ജില്ലാ ആശുപത്രിക്ക് സമീപമാണ് അപകടമുണ്ടായത്. ഓടിക്കൊണ്ടിരുന്ന മാരുതികാറിന് തീപിടിക്കുകയായിരുന്നു. പൂര്‍ണഗര്‍ഭിണിയുമായി ആശുപത്രിയിലേക്ക് പോയവരാണ് അപകടത്തില്‍പ്പെട്ടത്. കാറില്‍ ആറ് പേരുണ്ടായിരുന്നെന്നാണ് വിവരം.
തീപടരുന്നതുകണ്ട് ഓടിക്കൂടിയ നാട്ടുകാര്‍ പിന്‍സീറ്റിലുണ്ടായിരുന്നവരെ രക്ഷപെടുത്തി. മുൻസീറ്റിലിരുന്ന രണ്ട് പേരാണ് മരിച്ചത്.
