കരിപ്പൂര്‍ വിമാനത്താവളത്തിൽ ഒരു കോടി രൂപയുടെ സ്വര്‍ണവുമായി 19 വയസ്സുകാരി പിടിയിലായി. ദുബായില്‍ നിന്നെത്തിയ കാസര്‍കോട് സ്വദേശിനി ഷഹലയാണ് പിടിയിലായത്. ധരിച്ചിരുന്ന ഉൾവസ്ത്രത്തില്‍ തുന്നിച്ചേര്‍ത്ത നിലയിലാണ് 1,884 ഗ്രാം സ്വര്‍ണം കടത്താന്‍ ശ്രമിച്ചത്. കസ്റ്റംസ് പരിശോധന പൂര്‍ത്തിയാക്കിയപ്പോഴാണ് പുറത്തിറങ്ങിയപ്പോൾ പൊലീസ് പിടികൂടുകയായിരുന്നു.
അതേസമയം ഈ യുവതി സ്വർണവുമായി എത്തുന്നുവെന്ന് ജില്ലാ പൊലീസ് മേധാവിക്ക് നേരത്തേ തന്നെ കൃത്യമായ വിവരം ലഭിച്ചിരുന്നു. കസ്റ്റഡിയിലെടുത്ത് ചോദ്യം ചെയ്തെങ്കിലും സ്വർണക്കടത്തുമായി ബന്ധമില്ലെന്ന് പറഞ്ഞ് യുവതി ഒഴിയാനാണ് ശ്രമിച്ചത്. തുടർന്ന് ദേഹപരിശോധന നടത്തിയപ്പോഴാണ് ഉൾവസ്ത്രത്തിനുള്ളിൽ ഒരു കോടിയുടെ സ്വർണം തുന്നിച്ചേർത്ത നിലയിൽ കണ്ടെത്തിയത്. തുടർന്ന് കസ്റ്റംസിനെ പൊലീസ് വിവരം അറിയിച്ചു.
