ലോകമെമ്പാടും ഡിസംബർ മാസത്തിലാണ് ക്രിസ്തുമസ് ആഘോഷിക്കുക. എന്നാൽ എത്യോപ്യക്കാർക്ക് ജനുവരിയിൽ ആണ് ക്രിസ്മസ് ആഘോഷിക്കുന്നത്. ജനുവരി ഏഴിന് ആഘോഷിക്കുന്ന എത്യോപ്യൻ ക്രിസ്തുമസ് ഗെന്ന എന്നാണ് അറിയപ്പെടുന്നത്. അതേസമയം ലോകത്തിലെ മറ്റു ഭാഗങ്ങളേക്കാൾ ഏഴുവർഷം പിന്നിലാണ് ഈ ആഫ്രിക്കൻ രാജ്യം എന്ന വലിയൊരു പ്രത്യേകതയുമുണ്ട് എത്യോപ്യയ്ക്ക്. എത്യോപ്യൻ കലണ്ടറിലെ ഒരു വർഷത്തിൽ 13 മാസമാണ് ഉള്ളത്.
ഗ്രിഗോറിയൻ കലണ്ടറിനോട്‌ സമാനമല്ലാത്ത കലണ്ടറുകൾ പിന്തുടരുന്ന നിരവധി ഇടങ്ങൾ ലോകത്തുണ്ടെങ്കിലും വർഷത്തിൽ 12 മാസം എന്ന നിയമം എല്ലായിടത്തും പാലിക്കുന്നുണ്ട്. എന്നാല്‍ എത്യോപ്യൻ കലണ്ടർ പ്രകാരം വർഷത്തിൽ 13 മാസം ഉള്ളത് കൊണ്ട് തന്നെ അവരുടെ ക്രിസ്തുമസ് കുറച്ചു വൈകിയാണ് വരുക. കൂടാതെ എല്ലാ വിശ്വാസികളും 25 ദിവസം നോയമ്പ് നോൽക്കുമ്പോൾ എത്യോപിയക്കാർ 43 ദിവസം നോയമ്പ് നോൽക്കും
അതേസമയം ക്രിസ്തുമസ് കഴിഞ്ഞ് 12 ദിവസത്തിന് ശേഷം എത്യോപിയയിൽ ആഘോഷിക്കുന്ന മറ്റൊരു ചടങ്ങാണ് തിംകത് അഥവാ എപ്പിഫനി. ഈ ആഘോഷത്തിനു പിന്നിലും ധാരാളം കഥകളുണ്ട്. ക്രിസ്മസ് ആഘോഷങ്ങൾ തിംകത് കഴിയുന്നതോടെ മാത്രമേ അവസാനിക്കുകയുള്ളു . അടുത്ത വർഷം വീണ്ടും ആഘോഷിക്കാം എന്ന പ്രത്യാശയോടെ വിശ്വാസികൾ അവരുടെ ജീവിതത്തിലേക്ക് മടങ്ങുകയും ചെയ്യും.
