യുഎഇയിൽ മൂടൽമഞ്ഞ് ശക്തമാവുന്നതിനാൽ റെഡ്, യെല്ലോ അലർട്ട് പ്രഖ്യാപിച്ചിതായി നാഷണൽ സെന്റർ ഓഫ് മെറ്റീരിയോളജി അറിയിച്ചു. റെഡ്, യെല്ലോ അലർട്ട് പ്രഖ്യാപിച്ച സാഹചര്യത്തിൽ വാഹനമോടിക്കുന്നവർക്കും അധികൃതർ മുന്നറിയിപ്പ് നൽകിയിട്ടുണ്ട്.
ഉച്ചയോടുകൂടി രാജ്യത്തിന്റെ കിഴക്ക് ഭാഗങ്ങളിലായി സംവഹന മേഘങ്ങൾ രൂപപ്പെടും. ഇത് ക്രമേണ മഴയായി മാറാനും സാധ്യതയുണ്ട്. എന്നിരുന്നാലും രാജ്യത്തെ താപനില 41 ഡിഗ്രി സെൽഷ്യസ് വരെ ഉയരാമെന്നാണ് കണക്കാക്കുന്നത്. അബുദാബിയിൽ 43 ഡിഗ്രി സെൽഷ്യസും ദുബായിൽ 42 സെൽഷ്യസും മെർകുറി ഉയരും. അറേബ്യൻ ഗൾഫിലും ഒമാൻ കടലിലും സ്ഥിതി നേരിയതായിരിക്കുമെന്ന് നാഷണൽ സെന്റർ ഓഫ് മെറ്റീരിയോളജി അറിയിച്ചു.
