ക്രിക്കറ്റ് താരം കെ.എൽ. രാഹുലും മൃഗസംരക്ഷണ സംഘടനയായ പെറ്റ ഇന്ത്യയും ചേർന്ന് ക്ഷേത്രത്തിൽ യന്ത്ര ആനയെ നടയ്ക്ക് ഇരുത്തി. ഗുരുവായൂരിലെ പുരാതനമായ ശ്രീ പത്മനാഭപുരം മഹാവിഷ്ണു ക്ഷേത്രത്തിലേക്കാണ് ആനയെ നടയിരുത്തിയത്. പത്മനാഭപുരം പത്മനാഭൻ എന്ന് പേരിട്ടിരിക്കുന്ന പ്രതീകാത്മക ആനയെ ക്ഷേത്രത്തിന് സമർപ്പിച്ചതായി പെറ്റ ഇന്ത്യ പ്രസ്താവനയിൽ പറഞ്ഞു. ശ്രീകൃഷ്ണ ജയന്തി ദിനത്തിൽ, സായ് സഞ്ജീവനി ട്രസ്റ്റ് പ്രസിഡന്റ് സ്വാമി ഹരി നാരായണൻ മെക്കാനിക്കൽ ആനയെ അനാച്ഛാദനം ചെയ്തു. ക്ഷേത്രത്തിലെ ദൈനം ദിന ചടങ്ങുകൾക്ക് ഇനി ഈ ആനയാവും ഉപയോഗിക്കുക.
ജീവനുള്ള ആനകളെ ഒരിക്കലും സ്വന്തമാക്കുകയോ വാടകയ്‌ക്കെടുക്കുകയോ ചെയ്യരുതെന്ന ക്ഷേത്രത്തിന്റെ തീരുമാനത്തെ അംഗീകരിച്ചാണ് പെറ്റ ഇന്ത്യ ഈ സംരംഭത്തിന് നേതൃത്വം നൽകിയത്. പെറ്റ ഇന്ത്യ ക്ഷേത്രങ്ങൾക്ക് സംഭാവന ചെയ്യുന്ന പതിമൂന്നാമത്തെ മെക്കാനിക്കൽ ആനയും കേരളത്തിലെ എട്ടാമത്തെ ആനയുമാണിത്.. “ക്ഷേത്രങ്ങളിൽ മെക്കാനിക്കൽ ആനകളെ ഉപയോഗിക്കുന്നതോടെ, നമ്മുടെ ആചാരങ്ങളേയും കടമകളെയും ആനകളെയും നമ്മൾ ആദരിക്കുകയാണ്. വിഗ്നേശ്വരൻ്റെ ഭൂമിയിലെ പ്രതിനിധികളായ ആനകളെ കാട്ടിലെ അവരുടെ സ്വാഭാവിക ആവാസ വ്യവസ്ഥയിൽ സമാധാനത്തോടെ ജീവിക്കാൻ അനുവദിച്ച് കൊണ്ട് അവരെ വച്ച് ചെയ്യേണ്ട ആചാരങ്ങളും ചടങ്ങുകളും പൂ‍ർത്തിയാക്കാൻ ഇതിലൂടെ സാധിക്കും. ആചാരസംരക്ഷണം, സങ്കേതികവിദ്യ, ആചാരസംരക്ഷണം എന്നിവയുടെ ഒരുമിച്ചുള്ള സംയമന്വമാണ് യന്ത്ര ആനകൾ – കെ.എൽ രാഹുൽ ആശംസാസന്ദേശത്തിൽ പറയുന്നു.
യന്ത്ര ആനയെ സ്വാഗതം ചെയ്ത ക്ഷേത്രപ്രസിഡൻ്റ് എം.എൻ നാരായണൻ നമ്പൂതിരി മറ്റു ക്ഷേത്രങ്ങളും സമാനമായ രീതിയിൽ യന്ത്ര ആനകളെ സ്വീകരിക്കണമെന്ന് അഭിപ്രായപ്പെട്ടു. കേരളത്തിലെ ഉത്സവങ്ങളിൽ ആനകളുടെ ആക്രമണം ഉൾപ്പെട്ട സമീപകാല ദാരുണമായ സംഭവങ്ങൾ കണക്കിലെടുക്കുമ്പോൾ, ഭക്തരുടെയും മൃഗങ്ങളുടെയും സുരക്ഷയ്ക്കായി മറ്റ് ക്ഷേത്രങ്ങൾ യാന്ത്രിക ആനകളെ പരിഗണിക്കണമെന്ന് ഞങ്ങൾ അഭ്യർത്ഥിക്കുന്നു,” അദ്ദേഹം പറഞ്ഞു. ഹെറിറ്റേജ് ആനിമൽ ടാസ്‌ക് ഫോഴ്‌സ് തയ്യാറാക്കിയ കണക്കുകൾ പ്രകാരം, കഴിഞ്ഞ 15 വർഷത്തിനിടെ കേരളത്തിൽ 526 പേരെ ബന്ദികളാക്കിയ ആനകൾ കൊന്നൊടുക്കിയതായി പെറ്റ അഭിപ്രായപ്പെട്ടു.
2023 ന്റെ തുടക്കം മുതൽ, ക്ഷേത്രങ്ങളിൽ യാന്ത്രിക ആനകളുടെ ഉപയോഗം പെറ്റ ഇന്ത്യ പ്രോത്സാഹിപ്പിച്ചിട്ടുണ്ട്, ഇപ്പോൾ കുറഞ്ഞത് 20 എണ്ണം ദക്ഷിണേന്ത്യയിലുടനീളം വിന്യസിച്ചിട്ടുണ്ട്. മൂന്ന് മീറ്റർ ഉയരവും 800 കിലോഗ്രാം ഭാരവുമുള്ള ഈ യന്ത്ര ആനകൾക്ക് റബ്ബർ, ഫൈബർ, ലോഹം, മെഷ്, ഫോം, സ്റ്റീൽ എന്നിവ ഉപയോഗിച്ച് നിർമ്മിച്ചതും അഞ്ച് മോട്ടോറുകൾ ഉപയോഗിച്ച് പ്രവർത്തിപ്പിക്കുന്നതുമാണ്,
