തിരുവന്തപുരം: മലപ്പുറത്ത് പ്ലസ് വൺ പ്രവേശം കുറവുളളത് 2954 സീറ്റുകൾ മാത്രമാണെന്ന് വി എൻ ശിവൻകുട്ടി, ഇനിയും രണ്ട് അലോട്ട്മെന്റുകൾ കൂടി ബാക്കി ഉണ്ടെന്നും മന്ത്രി പറഞ്ഞു. ജൂലൈ മാസം രണ്ടിന് ഇതിനായി അപേക്ഷ ക്ഷണിക്കും.
സംസ്ഥാനത്ത് നടക്കുന്നത് രാഷ്ട്രീയ പ്രേരിതമായ സമരമാണ് , സംഘർഷ സാഹചര്യങ്ങളിലേക്ക് കാര്യങ്ങൾ കൊണ്ടു പോകരുതെന്നും അദ്ദേഹം കൂട്ടിചേർത്തു.ആകെ 4,21,661 പേർ പ്ലസ് വണ്ണിലേക്ക് അപേക്ഷിച്ചു. 2,68,192 പേർക്ക് മെറിറ്റിൽ അഡ്മിഷൻ ലഭിച്ചു. 18,850 കമ്മ്യൂണിറ്റി കോട്ട, 15474 മാനേജ്മെന്റ് ക്വാട്ട, 9049 അണ് എയ്ഡഡ്, 4336 സ്പോർട്ട് ക്വാട്ട, 868 മോഡൽ പ്രസിഡൻഷ്യൽ സ്കൂൾ എന്നിങ്ങനെയും അഡ്മിഷനായി. ആകെ 3,16,669 സീറ്റുകളിൽ അഡ്മിഷൻ നൽകി കഴിഞ്ഞു.
അണ് എയ്ഡഡ് ഒഴിവാക്കിയാല് തന്നെ 11,083 സീറ്റുകള് ഒഴിഞ്ഞ് കിടക്കുന്നുണ്ട്. മലപ്പുറത്ത് ഇനി പ്രവേശനം ലഭിക്കാനുള്ളത് 14037 പേര്ക്ക് മാത്രമാണ്.
