തിരുവനന്തപുരം: ടി പി ചന്ദ്രശേഖൻ വധക്കേസ് പ്രതികളൾക്ക് ശിക്ഷാ ഇളവ് നൽകാൻ സർക്കാർ നീക്കം.ടി.കെ രജീഷ്, ഷാഫി, സിജിത്ത് എന്നിവരുടെ ശിക്ഷയിൽ ഇളവ് നൽകാനാണ് സർക്കാർ ശ്രമിക്കുന്നത്. ജയിലിൽ കഴിയുന്ന പ്രതികൾക്ക് ഇളവ് നൽകുന്നതുമായി ബന്ധപ്പെട്ട് മാർഗനിർദേശം നിലവിലുണ്ട്.
ഇത് ഉപയോഗപ്പെടുത്താനാണ് സർക്കാർ തീരുമാനം. കണ്ണൂർ സെൻട്രൽ ജയിലിൽ കഴിയുന്ന തടവുകാരുടെ പട്ടിക ജയിൽ ഉപദേശക സമിതി തയ്യാറാക്കിയിട്ടുണ്ട്. ഈ പട്ടികയിലാണ് ടി.പി കേസിലെ മൂന്ന് പ്രതികളുടെയും പേര് ഉൾപ്പെട്ടിട്ടുള്ളത്.തുടർച്ചയായി 20 വർഷം ജീവപര്യന്തം ശിക്ഷ അനുഭവിക്കണമെന്ന് ഹൈക്കോടതി വിധിച്ചവരാണ് ഈ മൂന്ന് പ്രതികളും.
ശിക്ഷാ ഇളവിന് മുന്നോടിയായി കണ്ണൂർ ജയിൽ സൂപ്രണ്ട് കണ്ണൂർ സിറ്റി പോലീസ് കമ്മീഷണറോട് റിപ്പോർട്ട് തേടി കത്തുനൽകി.ശിക്ഷ ഇളവ് നൽകരുതെന്ന കോടതി തീരുമാനത്തിന് സർക്കാർ പുല്ലുവിലയാണ് കൽപ്പിക്കുകയാണെന്ന് കെ കെ രമ പറഞ്ഞു.
