75ാം സ്വാതന്ത്ര്യ ദിനാഘോഷത്തിനൊരുങ്ങി രാജ്യം. പ്രധാന വേദിയായ ചെങ്കോട്ട ത്രിവര്ണ്ണ പതാകകള് കൊണ്ട് അലങ്കരിച്ചു. പ്രധാനമന്ത്രി പ്രസംഗിക്കുന്ന ചെങ്കോട്ട അടക്കം കനത്ത സുരക്ഷയിലാണ്. സ്വാതന്ത്ര്യ ദിനത്തിന് മുന്നോടിയായി രാഷ്ട്രപതി ദ്രൗപദി മുര്മ്മു ഇന്ന് രാജ്യത്തെ അഭിസംബോധന ചെയ്യും. വൈകുന്നേരം ഏഴ് മണിക്കാണ് ദ്രൗപദി മുര്മ്മുവിന്റെ ആദ്യ അഭിസംബോധന. രാഷ്ട്രപതി ഭവന്, നോര്ത്ത് സൗത്ത് ബ്ലോക്കുകള്, പാര്ലമെന്റ് മന്ദിരം, ഇന്ത്യാ ഗെയ്റ്റ് ,ചെങ്കോട്ട എല്ലാം ത്രിവര്ണ്ണ ശോഭയില് തിളങ്ങുകയാണ്. പ്രധാനമന്ത്രി നരേന്ദ്രമോദി പതാക ഉയര്ത്തുന്ന ചെങ്കോട്ടയില് ഒരുക്കങ്ങള് അവസാന ഘട്ടത്തിലാണ്.
ഭീകരാക്രമണ മുന്നറിയിപ്പുകള് ഉള്ളതിനാല് പഴുതടച്ച സുരക്ഷയാണ് ഡല്ഹിയിലും സുപ്രധാന നഗരങ്ങളിലും ഒരുക്കിയിരിക്കുന്നത്. ഉന്നത ഉദ്യോഗസ്ഥര് സുരക്ഷാ ക്രമീകരണങ്ങള് വിലയിരുത്തി. ആയിരത്തിലധികം പൊലീസുകാരെ ഡല്ഹിയില് മാത്രം വിന്യസിച്ചിട്ടുണ്ട്. സ്വാതന്ത്ര്യ ദിനാഘോഷങ്ങളുടെ മുന്നോടിയായുള്ള പൂര്ണ ഡ്രസ് റിഹേഴ്സല് കഴിഞ്ഞു.ചെങ്കോട്ട പരിസരത്ത് വാഹനഗതാഗത്തിന് നിയന്ത്രണം ഏര്പ്പെടുത്തി. അത്യാധുനിക ക്യാമറകള് നിരീക്ഷണത്തിന് സ്ഥാപിച്ചു.വിമാനത്താവളങ്ങള് ,മെട്രോ സ്റ്റേഷനുകളിലും,റെയില്വേ സ്റ്റേഷനുകളിലും സുരക്ഷാ ശക്തമാക്കി.
അതേസമയം, സ്വാതന്ത്ര്യത്തിന്റെ എഴുപത്തിയഞ്ചാം വാര്ഷികത്തിന്റെ ഭാഗമായി എല്ലാ വീടുകളിലും ദേശീയ പതാക ഉയര്ത്താനുള്ള ‘ഹര് ഘര് തിരംഗ’ പ്രചാരണം രാജ്യം അഭിമാനപൂര്വ്വം ഏറ്റെടുത്തിരിക്കുകയാണ്. ‘ഹര് ഘര് തിരംഗ’യുടെ ഭാഗമായി കേന്ദ്രമന്ത്രിമാര് ഉള്പ്പെടെയുള്ളവര് വീടുകളില് പതാക ഉയര്ത്തി.
