തണ്ണീര്ക്കൊമ്പന് ചരിഞ്ഞത് ഹൃദയാഘാതം മൂലമെന്ന് പോസ്റ്റുമോര്ട്ടം റിപ്പോര്ട്ട്. ആനയ്ക്ക് സമ്മര്ദ്ദമുണ്ടായി. ശരീരത്തിലുണ്ടായിരുന്ന മുഴ പഴുത്തു. ഞരമ്പില് അമിത കൊഴുപ്പും കണ്ടെത്തിയെന്നും റിപ്പോര്ട്ടില് പറഞ്ഞു. ആനയുടെ ലിംഗത്തില് മുറിവുണ്ടായിരുന്നു എന്നും പോസ്റ്റുമോര്ട്ടം റിപ്പോര്ട്ടില് പറയുന്നു.
വാഹനത്തില് വെച്ച് തന്നെ ആന കുഴഞ്ഞു വീഴുകയായിരുന്നുവെന്നും ആളും ബഹളവും കണ്ട ആഘാതം ആനക്കുണ്ടായിരുന്നിരിക്കാമെന്നും ബന്ദിപ്പൂര് ഫീല്ഡ് ഡയരക്ടര് രമേശ് കുമാര് ഐഎഫ്എസ് പറഞ്ഞിരുന്നു. ആന മണിക്കൂറുകളോളം ചുറ്റിത്തിരിഞ്ഞതിന് ശേഷമാണ് മയക്കുവെടിയേല്ക്കുന്നത്. തുടര്ന്ന് ബന്ദിപ്പൂരിലേക്ക് രാത്രി തന്നെ കൊണ്ടു വന്നു. ഇതെല്ലാം ആനയുടെ ആരോഗ്യം മോശമാക്കിയിരുന്നിരിക്കാമെന്നും രമേശ് കുമാര് പറഞ്ഞു.
രാമപുരം ആന ക്യാംപില് ആണ്
ആനയുടെ പോസ്റ്റുമോര്ട്ടം നടന്നത്. കര്ണാടക- കേരള സര്ജന്മാരുടെ സംയുക്ത സംഘമാണ് ആനയുടെ പോസ്റ്റുമോര്ട്ടം നടത്തിയത്.
വെള്ളിയാഴ്ച മണിക്കൂറുകള് നീണ്ട പരിശ്രമത്തിലൊടുവിലാണ് മാനന്തവാടി നഗരത്തില് നിന്നും തണ്ണീര്ക്കൊമ്പനെ മയക്കുവെടി വെച്ച് പിടികൂടിയത്. എലിഫന്റ് ആംബുലന്സില് രാമപുരയിലെത്തിച്ച ശേഷം ആനയെ പരിശോധനയ്ക്ക് വിധേയമാക്കിയിരുന്നു. കര്ണാടക വനം വകുപ്പിന് കൈമാറിയ ശേഷമാണ് പുലര്ച്ചയോടെ ആന ചരിഞ്ഞത്.
