ലിസി ആശുപത്രിയില് ചികിത്സയിലുള്ള 16 കാരന്റെ ഹൃദയം മാറ്റിവെക്കല് ശസ്ത്രക്രിയ വിജയകരമായി പൂര്ത്തിയാക്കി. ഹരിനാരായണനാണ് ഹൃദയ ശസ്ത്രക്രിയ നടത്തിയത്.
മസ്തിഷ്ക മരണം സംഭവിച്ച കന്യാകുമാരി സ്വദേശി സെല്വിന് ശേഖറിന്റെ ഹൃദയമാണ് ഹരിനാരായണന് ശസ്ത്രക്രിയയിലൂടെ വെച്ചത്. ഹരിനാരായണനെ കൂടാതെ അഞ്ച് പേര്ക്ക് കൂടി സെല്വിന് ശേഖറിന്റെ അവയവങ്ങള് ദാനം ചെയ്തിട്ടുണ്ട്.
തിരുവനന്തപുരം കിംസ് ആശുപത്രിയില് നിന്ന് ഹൃദയം എറണാകുളം ലിസി ആശുപത്രിയിലേക്ക് എത്തിക്കാന് സര്ക്കാര് വാടകയ്ക്കെടുത്ത ഹെലികോപ്റ്ററാണ് തെരഞ്ഞെടുത്തത്. ഹെലികോപ്റ്ററില് കൊച്ചിയില് എത്തിച്ച അവയവം റോഡ് മാര്ഗം ആശുപത്രിയിലേക്ക് എത്തിച്ചു.
