മുതിര്ന്ന ബി.ജെ.പി നേതാവ് പി.പി. മുകുന്ദന് അന്തരിച്ചു. 77 വയസായിരുന്നു. വാര്ധക്യ സഹജമായ ആസുഖങ്ങളെ തുടര്ന്ന് കൊച്ചി അമൃത ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസില് ചികിത്സയിലായിരുന്നു. ഇന്ന് രാവിലെയാണ് അന്ത്യം.
കണ്ണൂര് കൊട്ടിയൂര് സ്വദേശിയായ പി.പി. മുകുന്ദന് ബി.ജെ.പി മുന് സംഘടനാ ജനറല് സെക്രട്ടറിയും ദീര്ഘകാലം ബിജെപി ദേശീയ എക്സിക്യൂട്ടീവ് അംഗമായിരുന്നു. ഏറെ കാലം ബിജെപിയുമായി അകന്നു നിന്നിരുന്നു. പാര്ട്ടി പ്രവര്ത്തനങ്ങളിലേക്ക് സജീവമായി ഇടപെടുമെന്ന് അറിയിച്ചിരുന്നു. ഇതിനിടെയാണ് അന്ത്യം.
ഏറെ ചര്ച്ചയായ കോ-ലീ-ബി പരീക്ഷണമടക്കം നടപ്പിലാക്കാന് പിപി മുകുന്ദന് ഇടപെട്ടിരുന്നു. പാര്ട്ടിയിലടക്കം അഭിപ്രായങ്ങള് മുഖം നോക്കാതെ പറയുന്ന ആളായിരുന്നു. കേരളത്തിലെ ബിജെപിയുടെ സംഘടനാ സെക്രട്ടറിയായും പിന്നീട് ദക്ഷിണേന്ത്യയിലെ പാര്ട്ടിയുടെ സംഘടനാ സെക്രട്ടറിയായും പ്രവര്ത്തിച്ചിട്ടുണ്ട്.
1988 മുതല് 95 വരെ ജന്മഭൂമി ദിനപത്രത്തിന്റെ മാനേജിംഗ് ഡയറക്ടറായി പ്രവര്ത്തിച്ചിരുന്നു.
