സംസ്ഥാനത്ത് വീണ്ടും താപനില ഉയരുന്നു. സംസ്ഥാനത്ത് മൂന്ന് ദിവസം അഞ്ച് ഡിഗ്രി വരെ താപനില ഉയരാം എന്ന് ദുരന്ത നിവാരണ അതോരിറ്റി മുന്നറിയിപ്പ് നല്കുന്നു.
ഇന്നും നാളെയും കൊല്ലം തിരുവനന്തപുരം, ജില്ലകളില് ഉയര്ന്ന താപനില 36ഡിഗ്രി വരെ ഉയരാമെന്നാണ് ദുരന്ത നിവാരണ അതോരിറ്റി വ്യക്തമാക്കുന്നത്. സാധാരണ താപനിലയേക്കാള് 3-5 ഡിഗ്രി കൂടുതലാണിത്.
ആലപ്പുഴ, കോട്ടയം, പാലക്കാട് ജില്ലകളില് 35 ഡിഗ്രി വരെയും സാധാരണയെക്കാള് 3 5 ഡിഗ്രി വരെ കൂടുതല്) എറണാകുളം, തൃശൂര്, മലപ്പുറം, കോഴിക്കോട് ജില്ലകളില് 34 ഡിഗ്രി വരെയും (സാധാരണയെക്കാള് 3 4 കൂടുതല്) താപനില ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
സംസ്ഥാനത്ത് ചൂട് കൂടി വരുന്ന സാഹചര്യത്തില് പൊതുജനങ്ങള് പകല് 11 മണി മുതല് 3 മണി വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം ഏല്ക്കുന്നത് ഒഴിവാക്കണമെന്നും നിര്ജലീകരണം തടയാന് കുടിവെള്ളം എപ്പോഴും ഒരു ചെറിയ കുപ്പിയില് കയ്യില് കരുതണമെന്നും ദുരന്ത നിവാരണ അതോറിറ്റി അറിയിക്കുന്നു.
പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. നിര്ജലീകരണമുണ്ടാക്കുന്ന മദ്യം, കാപ്പി, ചായ, കാര്ബണേറ്റഡ് സോഫ്റ്റ് ഡ്രിങ്കുകള് തുടങ്ങിയ പാനീയങ്ങള് പകല് സമയത്ത് ഒഴിവാക്കണമെന്നും നിര്ദേശിക്കുന്നു.
