പാറ്റ്ന: രാഹുൽ ഗാന്ധിക്കെതിരെ ലോക്സഭയിൽ മന്ത്രി സ്മൃതി ഇറാനി ഉയർത്തിയ ഫ്ളൈയിംഗ് കിസ് വിവാദത്തിൽ വിമർശനങ്ങളും എതിർഅഭിപ്രായങ്ങളും തുടരുകയാണ്. ഇതിനിടെ വിവാദത്തെക്കുറിച്ച് ബിഹാറിൽ നിന്നുള്ള കോണ്ഗ്രസ് എംഎൽഎ നടത്തിയ പരാമർശവും വാർത്തയാവുകയാണ്. ബിഹാറിലെ കോണ്ഗ്രസ് വനിതാ എംഎൽഎയായ നീതു സിങിൻ്റെ പരാമർശമാണ് സമൂഹമാധ്യമങ്ങളിൽ വൈറലാവുന്നത്.
ഞങ്ങളുടെ രാഹുൽ ഗാന്ധിക്ക് പെണ്കുട്ടികളെ കിട്ടാൻ ഒരു ബുദ്ധിമുട്ടുമില്ല. ഫ്ളൈയിംഗ് കിസ് കൊടുക്കണേൽ എന്തേലും പെണ്കുട്ടികൾക്ക് കൊടുത്താൽ പോരെ അൻപത് വയസ്സുള്ള ഈ വൃദ്ധയ്ക്ക് കൊടുക്കേണ്ട കാര്യമുണ്ടോ – നീതു സിങ് ചോദിക്കുന്നു.
If Rahul Gandhi wants to give flying kiss he has many women available
He won’t give it to a 50 year old budhiya
Congress MLA from Bihar : Neetu Singh
Anti women Congress can even defend Rahul’s misdemeanours inside the House pic.twitter.com/oXRz67ZqlX
— Shehzad Jai Hind (@Shehzad_Ind) August 10, 2023
കഴിഞ്ഞ ദിവസം പാർലമെൻ്റിൽ മണിപ്പൂർ വിഷയത്തിലെ അവിശ്വാസ പ്രമേയ ചർച്ചയിൽ രാഹുൽ ഗാന്ധി സംസാരിച്ചതിന് ശേഷമാണ് കേന്ദ്രമന്ത്രി സ്മൃതി ഇറാനി ഫ്ളൈയിംഗ് കിസ്സ് ആരോപണം ഉന്നയിച്ചത്. എനിക്ക് മുൻപ് സംസാരിച്ച ലോക്സഭാ അംഗം സഭയിലെ വനിതാ അംഗങ്ങളെ നോക്കി ഫ്ളൈയിംഗ് കിസ് നൽകിയെന്നായിരുന്നു സ്മൃതി ഇറാനിയുടെ ആരോപണം. എന്നാൽ രാഹുൽ ഫ്ളൈയിംഗ് കിസ്സ് നൽകുന്നത് താൻ കണ്ടിട്ടില്ലെന്ന് സഭയിലുണ്ടായിരുന്ന ബിജെപി എംപി ഹേമമാലിനി പറഞ്ഞു.
