ദുബായ്: ദുബായ് വിസിറ്റ് വിസയ്ക്കും ഇനിമുതൽ ഗ്രേസ് പിരീഡ് ഇല്ല. ഇതോടെ വിസിറ്റ് വിസയിൽ രാജ്യത്തെത്തുന്നവർ കാലവധി കഴിയും മുൻപ് മടങ്ങണം. ദുബായ് ഒഴികെയുള്ള എല്ലാ എമിറേറ്റുകളിലും നേരത്തെ തന്ന ഗ്രേസ് പിരീഡ് സംവിധാനം എടുത്ത് കളഞ്ഞിരുന്നു. ഇതോടെ രാജ്യത്ത് വിസിറ്റ് വിസയിലെത്തുന്നവർ കാലാവധിക്ക് ശേഷവും രാജ്യത്ത് തുടർന്നാൽ പിഴ അടയ്ക്കേണ്ടി വരും
10 ദിവസമായിരുന്നു വിസാ കാലവധിക്ക് ശേഷം ക്രേസ് പിരീഡായി അനുവദിച്ചിരുന്നത്. എന്നാൽ മെയ് 15 മുതലാണ് ഈ സംവിധാനം വെബ്സൈറ്റിൽ നിന്ന് അപ്രത്യക്ഷമായത്.അധികമായി നിൽക്കുന്ന ഓരോ ദിവസത്തിനും നിയമലംഘകർ പിഴയടക്കേണ്ടി വരും. യുഎഇ ആസ്ഥാനമായി പ്രവർത്തിക്കുന്ന ട്രാവൽ ഏജൻസികളും അംഗീകൃത ടൈപ്പിംഗ് സെന്‍ററുകളുമാണ് ഇക്കാര്യ പുറത്ത് വിട്ടത്.
