യുഎഇയിലെ വനിതാ കൂട്ടായ്മയായ WIT യുടെ വുമൺ ഓഫ് കറേജ് അവാർഡ് റാണി ഹേമലതയ്ക്ക്. അൽനാദയിലെ ദുബായ് വുമൺസ് കോളജിൽ നടന്ന ചടങ്ങിൽ പ്രശസ്ത ചലച്ചിത്ര താരം രാധിക ശരത് കുമാർ പുരസ്കാരം സമ്മാനിച്ചു. ദുബായ് ആസ്ഥാനമായി പ്രവർത്തിക്കുന്ന വെൽത്ത് ഐ ഗ്രൂപ്പ് ഓഫ് കമ്പനീസിന്‍റെ അഡ്മിനിസ്ട്രേറ്റീവ് മാനേജരാണ് റാണി ഹേമലത.
തമിഴ്നാട് കുംഭകോണം സ്വദേശിയായ റാണി ഹേമലത 2005 ലാണ് പ്രവാസജീവിതം ആരംഭിക്കുന്നത്. അക്വയർ റെന്‍റ് എ കാർ എന്ന സ്ഥാപനത്തിൽ സാധാരണ ജീവനക്കാരിയായി ജോലിയിൽ പ്രവേശിച്ച ഹേമലത കഠിനാധ്വാനവും ആത്മവിശ്വാസവും മൂലമാണ് ഇന്നത്തെ പദവിയിലെത്തിയത്. പ്രവാസത്തിന്‍റെ പതിനെട്ടാം വർഷത്തിലാണ് റാണി ഹേമലതയെ തേടി വുമൺ ഓഫ് കറേജ് പുരസ്കാരം എത്തുന്നത്.
അൽനാദയിലെ ദുബായ് വുമൺസ് കോളജിൽ നടന്ന ഇരൈവി – ദി കംപ്ലീറ്റ് വുമൺ എന്ന പരിപാടിയിൽ നിരവധി ചലച്ചിത്ര താരങ്ങളും സാംസ്കാരിക പ്രവർത്തകരും പങ്കെടുത്തു
