ഇന്ത്യയുടെ 75ാം സ്വാതന്ത്ര്യ ദിനം പ്രമാണിച്ച് എല്ലാ ഇന്ത്യക്കാർക്കും വ്യവസായിയും ലുലു ഗ്രൂപ്പ് എം ഡി യുമായ എം എ യൂസഫലി ആശംസകൾ അറിയിച്ചു. ‘ആസാദി ക അമൃത് മഹോത്സവ് ‘എന്ന പേരിൽ സ്വാതന്ത്ര്യ ദിനം നാടെങ്ങും കൊണ്ടാടുകയാണ്. മറ്റ് രാജ്യങ്ങളിൽ താമസിക്കുന്ന ഇന്ത്യക്കാരും വിവിധ രീതിയിൽ ആഘോഷങ്ങൾ സംഘടിപ്പിക്കുന്നുണ്ട്.
” ഇന്ത്യാ രാജ്യം മഹത്തായ രാജ്യമാണ്. ഇന്ത്യൻ ഭരണഘടന മറ്റേതു രാജ്യത്തെക്കാളും ഉയർന്ന ഭരണഘടനയാണ്. സാമൂഹ്യ നീതിയും സമത്വവും സ്നേഹവും വിവിധ മതങ്ങളിൽ പെട്ടവർ ഒന്നിച്ചു കഴിയുകയും ചെയ്യുന്ന രാജ്യമാണ് ഇന്ത്യ. ഇന്ത്യ, 76ാമത്തെ വർഷത്തിലേക്ക് കടക്കുന്ന ഈ വേളയിൽ ഇന്ത്യയിലെ എല്ലാ സഹോദരീ സഹോദരന്മാർക്കും സ്വാതന്ത്ര്യദിനാശംസകൾ നേരുന്നു ” അദ്ദേഹം പറഞ്ഞു.
