കഴിഞ്ഞ ദിവസം ചേര്ന്ന ആരാധക സംഘടനയായ വിജയ് മക്കള് ഇയക്കത്തിന്റെ യോഗം ചേരാനെത്തിയ വിജയ്ക്ക് ഗതാഗത നിയമലംഘനത്തിന് പിഴ. സിഗ്നല് പാലിക്കാത്തതിനെ തുടര്ന്നാണ് പിഴ ഇട്ടത്.
വിജയ് മക്കള് ഇയക്കത്തിന്റെ ഭാരവാഹികളുമായി കൂടിക്കാഴ്ച നടത്തി മടങ്ങിയ വിജയ് ആരാധകരെ ഒഴിവാക്കാനാണ് സിഗ്നല് തെറ്റിച്ചതെന്നാണ് സൂചന. 500 രൂപയാണ് പിഴയായി ഈടാക്കിയത്. സിഗ്നല് തെറ്റിക്കുന്ന ദൃശ്യങ്ങള് മാധ്യമങ്ങളിലൂടെ പുറത്തുവരികയും ചെയ്തിരുന്നു.
Just IN : Joseph Vijay fined for jumping red signal. pic.twitter.com/7sQUKNcujG
— Manobala Vijayabalan (@ManobalaV) July 11, 2023
പനൈയൂരില് നിന്ന് നീലാംഗരെയിലെ വസതി വരെ വിജയ്യെ ആരാധകര് അനുഗമിച്ചിരുന്നു. ആരാധകര് പിന്നാലെ കൂടിയതോടെയാണ് രണ്ടിലധികം സ്ഥലങ്ങളില് വിജയ് സിഗ്നല് തെറ്റിച്ചത്.
തമിഴ്നാട്ടിലെ 234 നിയോജക മണ്ഡലങ്ങളിലെയും ആരാധക കൂട്ടായ്മയുടെ ഭാരവാഹികളാണ് കഴിഞ്ഞ ദിവസം ചേര്ന്ന യോഗത്തില് പങ്കെടുത്തത്. രാഷ്ട്രീയ പ്രവേശന അഭ്യൂഹങ്ങള്ക്കിടെയാണ് താരം ആരാധക കൂട്ടായ്മയുടെ യോഗം വിളിച്ചത്. രാഷ്ട്രീയത്തില് ഇറങ്ങുകയാണെങ്കില് അഭിനയം പൂര്ണമായും ഉപേക്ഷിക്കുമെന്നാണ് വിജയ് അറിയിച്ചതെന്ന് യോഗത്തില് പങ്കെടുത്തവര് പറഞ്ഞിരുന്നു.
