വടകര കൈനാട്ടി മേല്പാലത്തിന് സമീപം റോഡരികില് യുവാവിനെ മരിച്ച നിലയില് കണ്ടെത്തി. താഴെ അങ്ങാടി സിക്ലോണ് ഷെല്ട്ടറിന് സമീപം ചെറാക്കൂട്ടീന്റവിട ഫാസിലിനെയാണ് ദുരൂഹ സാഹചര്യത്തില് മരിച്ച നിലയില് കണ്ടെത്തിയത്. 39 വയസായിരുന്നു.
ഖത്തറില് ജോലി ചെയ്തിരുന്ന ഫാസില് നാല് ദിവസം മുമ്പാണ് നാട്ടിലെത്തിയത്. മൃതദേഹത്തില് രക്തപ്പാടുണ്ട്. ഇന്ന് രാവിലെ കാല്നട യാത്രക്കാരാണ് രക്തത്തില് കുളിച്ച നിലയില് മൃതദേഹം കണ്ടെത്തിയത്. വടകര പൊലീസ് സ്ഥലത്തെത്തി അന്വേഷണം ആരംഭിച്ചു.
മൃതദേഹം കിടന്ന റോഡിന്റെ എതിര്വശത്തായി ഫാസില് ഓടിച്ച സ്കൂട്ടര് കണ്ടെത്തിയിട്ടുണ്ട്. ഇന്ക്വസ്റ്റ് നടപടികള് പൂര്ത്തിയാക്കി മൃതദേഹം പോസ്റ്റുമോര്ട്ടം നടപടികള്ക്കായി കൊണ്ടു പോയി.
ഷര്മിനയാണ് ഫാസിലിന്റെ ഭാര്യ.
