സുപ്രീം കോടതിയുടെ 49 ആമത് ചീഫ് ജസ്റ്റിസായി യു യു ലളിത് ഇന്ന് സത്യപ്രതിജ്ഞ ചെയ്യും. അഭിഭാഷകനായിരിക്കുന്ന സമയത്ത് തന്നെ നേരിട്ട് സുപ്രീം കോടതി ചീഫ് ജസ്റ്റിസാവുന്ന രണ്ടാമത്തെ വ്യക്തിയാണ് ഉദയ് ഉമേഷ് ലളിത് എന്ന യു യു ലളിത്. എസ് എം സിക്രിയാണ് ഇതേരീതിയിൽ മുൻപ് സുപ്രീം കോടതി ചീഫ് ജസ്റ്റിസായി ചുമതലയേറ്റിട്ടുള്ളത്.
യു യു ലളിത് മഹാരാഷ്ട്ര സ്വദേശിയാണ്. 1983ൽ ബോംബൈ ഹൈക്കോടതിയിലാണ് അഭിഭാഷകനായി ആദ്യം എൻറോള് ചെയ്തത്. സുപ്രീം കോടതി ജഡ്ജിയായി 2014 ൽ ആണ് ചുമതലയേറ്റത്. ജസ്റ്റിസ് എന് വി രമണ വിരമിച്ച ഒഴിവിലേക്കാണ് ചീഫ് ജസ്റ്റിസായി യു യു ലളിത് സ്ഥാനമേൽക്കുന്നത്.
രാഷ്ട്രപതി ഭവനിൽ വച്ച് നടക്കുന്ന ചടങ്ങിൽ രാഷ്ട്രപതി ദ്രൗപതി മുര്മുവാണ് ചീഫ് ജസ്റ്റിസിന് സത്യപ്രതിജ്ഞ ചൊല്ലിക്കൊടുക്കുക. നവംബർ എട്ട് വരെയായിരിക്കും ചീഫ് ജസ്റ്റിസായി യു യു ലളിത് സേവനമനുഷ്ഠിക്കുക.
