ഒരു ദശാബ്ദത്തിനു ശേഷം, ലോകത്തിലെ ഏറ്റവും വലിയ ഫ്ലോട്ടിംഗ് ബുക്ക് ഫെയർ യുഎഇയിൽ തിരിച്ചെത്തി. എംവി ലോഗോസ് ഹോപ്പ് നിലവിൽ റാസൽഖൈമ തുറമുഖത്ത് ഏപ്രിൽ 16 വരെ ഉണ്ടാകും. ഇത് അടുത്തയാഴ്ച ദുബായിലേക്ക് എത്തും. ഏപ്രിൽ 18 മുതൽ 23 വരെ പൊതുജനങ്ങൾക്ക് പ്രവേശിക്കാൻ അവസരമുണ്ടാകും. മെയ് 17 മുതൽ ജൂൺ 4 വരെ അബുദാബിലും ഉണ്ടാകും ഫ്ലോട്ടിംഗ് ബുക്ക് ഫെയർ.
അറബിയിലും ഇംഗ്ലീഷിലുമുള്ള ആയിരക്കണക്കിന് പുസ്തകങ്ങൾക്ക് പുറമെ, സാക്ഷരത, സാംസ്കാരിക സഹകരണം, സാമൂഹിക അവബോധം എന്നിവ പ്രോത്സാഹിപ്പിക്കുന്നതിനായി നൂറുകണക്കിന് സന്നദ്ധപ്രവർത്തകരെയും എംവി ലോഗോസ് ഹോപ്പിൽ ഉൾക്കൊള്ളിക്കുന്നുണ്ട്.
ജർമ്മനി ആസ്ഥാനമായി പ്രവർത്തിക്കുന്ന GBA സ്ഥാപനത്തിന്റെ കീഴിലുള്ളതാണ് ലോഗോസ് ഹോപ്പ്. ലോഗോസ്, ഡൗലോസ്, ലോഗോസ് II എന്നിവയുടെ തുടർച്ചാണ് ലോഗോസ് ഹോപ്പ്. ലോഗോസ്, ഡൗലോസ്, ലോഗോസ് II എന്നീ കപ്പലുകൾ 1970 മുതൽ 150-ലധികം രാജ്യങ്ങളിലൂടെ പുസ്തകമേളയുമായി കടന്നുപോയിട്ടുണ്ട്.
