ലോകമെമ്പാടുമുള്ള ജനതയ്ക്ക് റമദാൻ ആശംസകൾ നേർന്ന് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാനും വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും.
2023-ലെ റമദാൻ സമാധാനത്തിനും ഐക്യത്തിനും വേണ്ടിയെന്ന് പ്രസിഡന്റ് ഷെയ്ഖ് മുഹമ്മദ് ട്വീറ്റ് ചെയ്തു. വൈസ് പ്രസിഡന്റും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും സമാനമായ സന്ദേശം സോഷ്യൽ മീഡിയയിൽ പങ്കുവച്ചു.
അനുഗ്രഹീത റമദാൻ മാസത്തിൽ എമിറേറ്റ്സിലെ ജനങ്ങൾക്കും എല്ലാ അറബ്, ഇസ്ലാമിക ജനതയ്ക്കും ആശംസകൾ എന്നാണ് അദ്ദേഹം ട്വിറ്ററിൽ കുറിച്ചത്. ഇസ്ലാമിക രാജ്യങ്ങളിലെ രാജാക്കന്മാർക്കും അമീറുമാർക്കും പ്രസിഡന്റുമാർക്കും ഷെയ്ഖ് മുഹമ്മദ് ആശംസാ സന്ദേശങ്ങൾ അയച്ചതായി സ്റ്റേറ്റ് ന്യൂസ് ഏജൻസി വാം റിപ്പോർട്ട് ചെയ്തു.
