യു എ ഇ യിൽ ചില കിഴക്കൻ പ്രദേശങ്ങളിലും കടലിലും പകൽ ഭാഗികമായി മേഘാവൃതവുമായിരിക്കും. നേരിയ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം അറിയിച്ചു. യെല്ലോ ഫോഗ് അലേർട്ടും നൽകിയിട്ടുണ്ട്. നേരിയതോ മിതമായതോ ആയ കാറ്റ് കിഴക്കോട്ടും വടക്കോട്ടും വീശും.
അതേസമയം രാജ്യത്ത് താപനില 27 ഡിഗ്രി സെൽഷ്യസ് വരെ ഉയർന്നേക്കാം. അബുദാബിയിൽ 24 ഡിഗ്രി സെൽഷ്യസിലേക്കും ദുബായിൽ 26 ഡിഗ്രി സെൽഷ്യസിലേക്കും മെർക്കുറി ഉയരും. എന്നിരുന്നാലും, അബുദാബിയിൽ 14 ഡിഗ്രി സെൽഷ്യസും ദുബായിൽ 15 ഡിഗ്രി സെൽഷ്യസും പർവതപ്രദേശങ്ങളിൽ 4 ഡിഗ്രി സെൽഷ്യസും വരെ താപനില കുറയാം.
രാത്രിയിലും ഞായറാഴ്ച രാവിലെയും അന്തരീക്ഷം ഈർപ്പമുള്ളതായിരിക്കും. പടിഞ്ഞാറ് ഭാഗത്തുള്ള ചില ആന്തരിക പ്രദേശങ്ങളിൽ മൂടൽമഞ്ഞ് രൂപപ്പെടാനുള്ള സാധ്യതയുണ്ട്. അബുദാബിയിലും ദുബായിലും 30 മുതൽ 75 ശതമാനം വരെയാണ് ലെവലുകൾ. അറേബ്യൻ ഗൾഫിൽ കടലിലെ അവസ്ഥ നേരിയതോതിലായിരിക്കും. ഒമാൻ കടലിൽ പകൽ സമയത്ത് കടൽ ചിലപ്പോൾ പ്രക്ഷുബ്ധമായേക്കാമെന്ന് ദേശീയ കാലാവസ്ഥാ കേന്ദ്രം അറിയിച്ചു.
