പിതാവിനെതിരെ കേസ് ഫയൽ ചെയ്ത് ലോകപ്രശസ്ത തുർക്കി ഷെഫ് ബുറാക് ഓസ്ഡെമിർ. തൻ്റെ പേരിൽ സാമ്പത്തിക തട്ടിപ്പ് നടത്തിയെന്ന് ആരോപിച്ചാണ് പിതാവിനെതിരെ ബുറാക് ഓസ്ഡെമിർ നിയമനടപടി ആരംഭിച്ചിരിക്കുന്നത്. തുർക്കിയെ പ്രതിസന്ധിയിലാക്കിയ ഫെബ്രുവരിയിലെ ഭൂകമ്പത്തിന് ശേഷമാണ് താനും പിതാവും തമ്മിലുള്ള പ്രശ്നങ്ങൾ രൂക്ഷമായതെന്ന് ഷെഫ് ബുറാക് പറയുന്നു.
ആയിരക്കണക്കിന് പേരുടെ മരണത്തിന് ഇടയാക്കിയ തുർക്കി ഭൂകമ്പത്തിന് ശേഷം ദുരിതബാധിതരെ സഹായിക്കാൻ ഷെഫ് ബുറാക് ഓസ്ഡെമിർ ശ്രമിച്ചെങ്കിലും അദ്ദേഹത്തിൻ്റെ പിതാവ് ഇടപെട്ട് ഈ നീക്കം തടഞ്ഞെന്ന് തുർക്കി മാധ്യമങ്ങൾ പറയുന്നു. ഇതേ തുടർന്ന് ബുറാകും പിതാവും തമ്മിലുള്ള ബന്ധം വഷളായി.
പിന്നീട് തുർക്കി നഗരമായ ഇസ്താംബൂളിൽ ആരംഭിച്ച ഒരു റെസ്റ്റോറൻ്റിന് തൻ്റെ പേര് ഉപയോഗിക്കാനുള്ള അവകാശം പിതാവ് വിറ്റതായി അറിഞ്ഞ ബുറാക് കോടതിയെ സമീപിക്കുകയായിരുന്നു. കേസിൽ സെപ്തംബറിൽ കോടതി വാദം കേൾക്കും. തുർക്കിയിലും പുറത്തുമായി ഷെഫ് ബുറാകിന് സ്വന്തം പേരിൽ റെസ്റ്റോറൻ്റ് ശ്യംഖലയുണ്ട്.
ഇസ്താംബൂളിൽ തൻ്റെ റെസ്റ്റോറൻ്റ് ശൃംഖലയുടെ ഒരു ബ്രാഞ്ച് മാത്രമേയുള്ളൂവെന്നും അതിനിയും തുറന്നിട്ടില്ലെന്നും ഷെഫ് ബുറാക് പിന്നീട് ഇൻസ്റ്റാഗ്രാമിൽ കുറിച്ചു. ദുബായ്, ഖത്തർ, തജിക്കിസ്ഥാൻ എന്നിവിടങ്ങളിലാണ് ഇദ്ദേഹത്തിൻ്റെ ഹോട്ടലുകൾ പ്രവർത്തിക്കുന്നത്. അതേസമയം സെപ്തംബറിൽ തുറക്കാനിരിക്കുന്ന പുതിയ ഹോട്ടലിൻ്റെ നിർമ്മാണത്തിനായി തൻ്റെ കൈവശമുള്ള ആഡംബര കാറുകൾ ബുറാക് ഓസ്ഡെമിർ വിൽക്കാൻ ആരംഭിച്ചതായി തുർക്കി മാധ്യമങ്ങൾ റിപ്പോർട്ട് ചെയ്യുന്നു. ഇൻസ്റ്റാഗ്രം അടക്കമുള്ള സമൂഹമാധ്യമങ്ങളിലൂടെ കോടിക്കണക്കിന് ആളുകളാണ് ബുറാകിൻ്റെ വീഡിയോകൾ കാണുന്നത്. ക്യാമറയിൽ ദൃഷ്ടി ഉറപ്പിച്ച് അതിവേഗം പച്ചക്കറിയും മാംസവും അരിഞ്ഞെടുക്കുകയും പാകം ചെയ്യുകയും ചെയ്യുന്നതാണ് ബുറാകിൻ്റെ സ്റ്റൈൽ.
View this post on Instagram
View this post on Instagram
View this post on Instagram
