തീവണ്ടിയില് യാത്രക്കാരിയോട് മോശമായി പെരുമാറിയ ടി.ടി.ഇ അറസ്റ്റില്. തിരുവനന്തപുരം സ്വദേശി നിധീഷാണ് അറസ്റ്റിലായത്. നിലമ്പൂരില് നിന്ന് കൊച്ചുവേളിയിലേക്കുള്ള യാത്രയ്ക്കിടെയായിരുന്നു സംഭവം. നിലമ്പൂര്-കൊച്ചുവേളി രാജ്യറാണി എക്സ്പ്രസില് വെച്ചാണ് ടിടിഇ യുവതിയോട് മോശമായി പെരുമാറിയത്.
എസ് 4 കോച്ചില് യാത്ര ചെയ്യുകയായിരുന്ന യുവതിയോട് എ.സി കോച്ചിലേക്ക് മാറാന് ടി.ടി.ഇ ആവശ്യപ്പെടുകയായിരുന്നു. യുവതി മാറാന് തയ്യാറാവാതിരുന്നതോടെ നിധീഷ് കയ്യില് കയറിപിടിക്കുകയും നിര്ബന്ധിച്ച് കൊണ്ടു പോകാന് ശ്രമിക്കുകയും ചെയ്തെന്നുമാണ് പരാതി.
സംഭവത്തില് യുവതി പരാതിപ്പെട്ടതിന് പിന്നാലെ ടിടിഇയെ കോട്ടയത്ത് വെച്ച് അറസ്റ്റ് ചെയ്യുകയായിരുന്നു. ഇയാള് മദ്യപിച്ചിരുന്നതായി വൈദ്യപരിശോധനയില് കണ്ടെത്തിയിട്ടുണ്ട്.
