മുഖത്ത് നായ വിസർജിച്ചതിനെ തുടർന്ന് യുവതി ആശുപത്രിയിലായി. ഇംഗ്ലണ്ടിലെ ബ്രിസ്റ്റൽ സ്വദേശിയായ 51 കാരി അമാൻഡ ഗോമോയാണ് ഗുരുതരാവസ്ഥയിൽ ആശുപത്രിയിലുള്ളത്. ഉച്ചഭക്ഷണത്തിന് ശേഷം ഉറങ്ങുകയായിരുന്നു അമാൻഡ. അരികിലെത്തിയ ചിവാവ ഇനത്തിൽപ്പെട്ട വളർത്തുനായ ബെല്ല ഉറങ്ങുകയായിരുന്ന അമാൻഡയുടെ മുഖത്തേക്ക് വിസർജനം നടത്തി. ഉടൻ തന്നെ ഞെട്ടിയുണർന്ന അമാൻഡ കുളിമുറിയിൽ പോയി വായ കഴുകുകയും ചെയ്തു. എന്നാൽ നായയുടെ വിസർജ്യം അപ്പോഴേക്കും വയറിനകത്തെത്തിയിരുന്നു.
പിന്നീട് കുറച്ച് ദിവസങ്ങൾക്കു ശേഷം അമാൻഡയ്ക്ക് ദേഹാസ്വാസ്ഥ്യം അനുഭവപ്പെട്ടു. അതികഠിനമായ വയറ് വേദനയുണ്ടായതിനെ തുടർന്ന് ഡോക്ടറെ ബന്ധപ്പെടുകയായിരുന്നു. നന്നായി വെള്ളം കുടിക്കാൻ നിർദേശിച്ചെങ്കിലും 48 മണിക്കൂറിന് ശേഷം രോഗലക്ഷണങ്ങൾ കൂടുകയും ആശുപത്രിയിൽ പ്രവേശിക്കുകയുമായിരുന്നു.
ബെല്ലയുടെ വിസർജ്യത്തിന്റെ അംശം വയറിനകത്ത് എത്തിയതിനാൽ വയറിൽ അണുബാധ ഉണ്ടായിരുന്നു. ഓരോ ദിവസം കഴിയുന്തോറും വയറ് വേദന അധികമായി. മൂന്ന് ദിവസത്തേക്ക് അമാൻഡയ്ക്ക് ഒന്നും കഴിക്കാൻ സാധിക്കുന്നുണ്ടായിരുന്നില്ല. കാലിലേക്ക് വരെ വേദന ഇറങ്ങുകയായിരുന്നുവെന്ന് അമാൻഡ പറയുന്നു. ആരോഗ്യം മെച്ചപ്പെട്ടു വരികയാണെന്ന് ഡോക്ടർമാർ വ്യക്തമാക്കി.
