ദുബായ്: ബോളിവുഡ് താരം സണ്ണി ലിയോണിന് യു.എ.ഇ ഗോൾഡൻ വിസ ലഭിച്ചു. ദുബായിലെ സർക്കാർ ദാതാക്കളായ ഇ.സി.എച് ഡിജിറ്റൽ ആസ്ഥാനത്തെത്തി സി.ഇ.ഓ ഇഖ്ബാൽ മാർക്കോണിയിൽ നിന്നുമാണ് താരം ഗോൾഡൻ വിസ സ്വീകരിച്ചത്.
യു.എ.ഇ യുടെ പത്ത് വർഷ ഗോൾഡൻ വിസ പതിച്ച പാസ്സ്പോർടാണ് നടി കരസ്ഥമാക്കിയത്. യു.എ.ഇ നൽകിയ അംഗീകാരത്തിന് സണ്ണി ലിയോൺ നന്ദി പറഞ്ഞു. ഏറ്റവും കൂടുതൽ ഇന്ത്യൻ ചലച്ചിത്ര താരങ്ങൾക്ക് യു.എ.ഇ ഗോൾഡൻ വിസ നൽകിയത് ഇ.സി.എച് ഡിജിറ്റൽ മുഖേനയായിരുന്നു.
കഴിഞ്ഞ ദിവസം കേരളീയ വേഷത്തിൽ കോഴിക്കോട് നടന്ന ചടങ്ങിൽ പങ്കെടുക്കാനെത്തിയ താരത്തിന്റെ ചിത്രങ്ങൾ വൈറലായിരുന്നു. കോഴിക്കോടിലെ ഒരു ഹോട്ടലിൽ നിന്നും ഭക്ഷണം കഴിക്കുന്നതിന്റെ വിഡിയോകളും സമൂഹ മാധ്യമങ്ങളിൽ ശ്രദ്ധേയമായിരുന്നു.
