സുപ്രീം കൗൺസിൽ അംഗവും ഷാർജ ഭരണാധികാരിയുമായ ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമിക്ക് നാഷണൽ ഓർഡർ ഓഫ് ദി ലെജിയൻ ഓഫ് ഓണർ നൽകി ഫ്രഞ്ച് പ്രസിഡന്റ് ഇമ്മാനുവൽ മാക്രോൺ.
ഫ്രാൻസിലെ ഏറ്റവും ഉയർന്ന ബഹുമതിയാണ് ഗ്രാൻഡ് ഓഫീസർ റാങ്കിലുള്ള നാഷണൽ ഓർഡർ ഓഫ് ദി ലെജിയൻ ഓഫ് ഓണർ. ഷാർജ ഭരണാധികാരിയുടെ ശാസ്ത്ര-സാംസ്‌കാരിക-സാഹിത്യ സംഭാവനകൾക്കും ഇരുരാജ്യങ്ങളും തമ്മിലുള്ള ബന്ധം മെച്ചപ്പെടുത്തുന്നതിനുള്ള അദ്ദേഹത്തിന്റെ ശ്രമങ്ങൾക്കുള്ള അംഗീകാരമായാണ് ഈ ബഹുമതി സമ്മാനിച്ചത്.
അൽ ബദീ പാലസിൽ നടന്ന ചടങ്ങിൽ യുഎഇയിലെ ഫ്രാൻസ് അംബാസഡർ നിക്കോളാസ് നീംച്ചിനോവ് ഷാർജ ഭരണാധികാരിക്ക് നാഷണൽ ഓർഡർ സമ്മാനിച്ചു. ചടങ്ങിൽ ഷാർജ കിരീടാവകാശിയും ഡെപ്യൂട്ടി ഭരണാധികാരിയുമായ ഷെയ്ഖ് സുൽത്താൻ ബിൻ മുഹമ്മദ് ബിൻ സുൽത്താൻ അൽ ഖാസിമി പങ്കെടുത്തു.
