റോയൽ ഒമാൻ നാവികസേനാ കപ്പലായ “ഷബാബ് ഒമാൻ II” മൊറോക്കോ രാജ്യം വിടുന്നു. മൊറോക്കോയിലെ ടാൻജിയർ തുറമുഖത്ത് നിന്ന് സ്പെയിനിലെ അൽജെസിറാസ് തുറമുഖത്തേക്കാണ് ഷബാബ് ഒമാൻ II പുറപ്പെട്ടത്. ‘ഒമാൻ സമാധാനത്തിന്റെ നാട്’ എന്ന സന്ദേശം ഉയർത്തിപ്പിടിച്ചാണ് കപ്പലിന്റെ ആറാമത്തെ അന്താരാഷ്ട്ര യാത്രക്ക് തുടക്കമായത്.
യൂറോപ്യൻ ഭൂഖണ്ഡത്തിലേക്കുള്ള ഷബാബ് ഒമാന്റെ ആറാമത്തെ അന്താരാഷ്ട്ര യാത്രയാണിത്. ഒമാൻ സുൽത്താനേറ്റും ലോകത്തിലെ വിവിധ രാജ്യങ്ങളും തമ്മിലുള്ള സൗഹൃദം ഊട്ടിയുറപ്പിക്കുന്നതിനാണ് കപ്പലിന്റെ യാത്ര. സൗഹൃദ ബന്ധം വിപുലീകരിക്കുന്നതിനോടൊപ്പം മഹത്തായ ഒമാനി സമുദ്രചരിത്രം പരിചയപ്പെടുത്തുക എന്ന ലക്ഷ്യവും ഉയർത്തിപ്പിടിച്ചാണ് ഷബാബ് ഒമാൻ II യാത്ര തുടങ്ങിയത്.
