അമേരിക്കയിലെ മിസൗറിയിൽ ഹൈസ്കൂളിന് നേരെ വെടിവയ്പ്പുണ്ടായി. അപ്രതീക്ഷിതമായുണ്ടായ വെടിവെപ്പിൽ മൂന്നുപേര് മരിച്ചു. ആറ് പേര്ക്ക് പരിക്കേൽക്കുകയും ചെയ്തു. സെന്റ് ലൂയിസ് നഗരത്തിലെ സെന്ട്രല് വിഷ്വല് ആന്ഡ് പെര്ഫോമിംഗ് ആര്ട്സ് ഹൈസ്കൂളിന് നേരെയായിരുന്നു ആക്രമണം നടന്നത്. അതേസമയം അക്രമിയെ പൊലീസ് കൊലപ്പെടുത്തിയെന്നാണ് റിപ്പോര്ട്ടുകള്.
വെടിവെപ്പിൽ ഒരാള് സംഭവസ്ഥലത്തുവച്ച് തന്നെ മരിച്ചു. പരുക്കേറ്റവരെ ആശുപത്രിയില് പ്രവേശിപ്പിച്ചെങ്കിലും രണ്ടുപേര് കൂടി ആശുപത്രിയില് വച്ച് മരണപ്പെടുകയായിരുന്നു. അതേസമയം പ്രതിക്ക് 20 വയസ് പ്രായം തോന്നിക്കും. പ്രതിയുടെ പേരോ മറ്റ് വിവരങ്ങളോ ഇതുവരെ പുറത്തുവിട്ടിട്ടില്ല. ആക്രമിക്കാനുള്ള കാരണം വ്യക്തമല്ലെന്നും പോലീസ് അറിയിച്ചു.
