തൊഴിൽ കരാറുകളുടെ ആധികാരികത ഉറപ്പാക്കാൻ രാജ്യത്തെ എല്ലാ സ്ഥാപനങ്ങളും ഇലക്ട്രോണിക് സംവിധാനത്തിൽ രജിസ്റ്റർ ചെയ്യാൻ സൗദി മിനിസ്ട്രി ഓഫ് ഹ്യൂമൻ റിസോഴ്സസ് ആൻഡ് സോഷ്യൽ ഡവലപ്മെൻ്റ്. പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
തൊഴിലാളികളുടെയും, തൊഴിലുടമകളുടെയും അവകാശങ്ങൾ സംരക്ഷിക്കാൻ ഇത് അനിവാര്യമാണെന്ന് മന്ത്രാലയം ചൂണ്ടിക്കാട്ടുന്നു. ഇതിനായി സ്ഥാപനങ്ങൾ തങ്ങളുടെ തൊഴിലാളികളുമായുള്ള തൊഴിൽ കരാറുകൾ ക്വിവാ (Qiwa) സംവിധാനത്തിലൂടെ രജിസ്റ്റർ ചെയ്യേണ്ടതാണ്.
തൊഴിലാളികളും, തൊഴിലുടമകളും തമ്മിലുള്ള തർക്കങ്ങൾ ഒഴിവാക്കാനും തൊഴിൽമേഖലയിലെ ഉത്പാദനക്ഷമത ഉയർത്താനും ഈ നടപടി ഏറെ സഹായകമാണെന്ന് മന്ത്രാലയം വ്യക്തമാക്കി. തൊഴിൽ കരാറുകളുടെ ആധികാരികത ക്വിവാ സംവിധാനത്തിലൂടെ ഉറപ്പാക്കുന്നതിലൂടെ തൊഴിലുടമകൾ രാജ്യത്തെ തൊഴിൽ നിയമങ്ങൾ പാലിക്കുന്നുണ്ടെന്ന് ഉറപ്പ് വരുത്തുന്നതിനും, സ്വകാര്യ മേഖലയിൽ തൊഴിലെടുക്കുന്ന വിദേശ ജീവനക്കാരുടെ കൃത്യമായ വിവരങ്ങൾ മന്ത്രാലയത്തിൽ സൂക്ഷിക്കുന്നതിനും സാധിക്കും
