സന്ദീപാനന്ദ ഗിരിയുടെ ആശ്രമത്തിന് തീയിട്ടത് സമീപവാസിയായിരുന്ന പ്രകാശ് എന്നയാളാണെന്ന് സഹോദരന് പ്രശാന്ത് ക്രൈംബ്രാഞ്ചിന് മൊഴി നല്കി. ആര്എസ്എസ് പ്രവര്ത്തകനായിരുന്ന പ്രകാശ്, ഈ വര്ഷം ജനുവരിയില് ആത്മഹത്യ ചെയ്തിരുന്നു. ഒരാഴ്ച മുന്പ് പ്രകാശിന്റെ സഹോദരന് പ്രശാന്തിന്റെ മൊഴി ക്രൈംബ്രാഞ്ച് രേഖപ്പെടുത്തി.
തന്റെ സഹോദരന് ആര്എസ്എസ് പ്രവര്ത്തകന് ആയിരുന്നെന്നും പ്രകാശും കൂട്ടുകാരും ചേര്ന്നാണ് സന്ദീപാനന്ദ ഗിരിയുടെ ആശ്രമം തീയിട്ടതെന്നും പ്രശാന്ത് വെളിപ്പെടുത്തി. അനുജന് മരിക്കുന്നതിന് കുറച്ചുദിവസം മുന്പ് തന്നോട് ഇക്കാര്യം പറഞ്ഞിരുന്നതായും പ്രകാശ് അസ്വസ്ഥനായിരുന്നെന്നും പ്രശാന്ത് പറഞ്ഞു. കേസുമായി ബന്ധപ്പെട്ട് തിരുവനന്തപുരം ജഗതിയിലുള്ള യുവാവിനെ കഴിഞ്ഞവര്ഷം ക്രൈംബ്രാഞ്ച് ചോദ്യം ചെയ്തിരുന്നു. ഇതിന് പിന്നാലെയാണ് പ്രകാശ് അസ്വസ്ഥനായതെന്നും തന്നോട് കാര്യങ്ങള് പറഞ്ഞതെന്നും പ്രശാന്ത് പറഞ്ഞു.
2018 ഒക്ടോബര് 27ന് ആണ് തിരുവനന്തപുരം കുണ്ടമണ് കടവിലുള്ള സന്ദീപാനന്ദഗിരിയുടെ ആശ്രമം കത്തിച്ചത്. ആദ്യം തിരുവനന്തപുരം സിറ്റി പൊലീസ് അന്വേഷിച്ച കേസ് പിന്നീട് ക്രൈംബ്രാഞ്ചിന് കൈമാറുകയായിരുന്നു.
