മൾട്ടിപ്പിൾ എൻട്രി ടൂറിസ്റ്റ് വിസ പ്രഖ്യാപിച്ച് യുഎഇ. ഖത്തർ ലോകകപ്പിന് എത്തുന്ന ഹയ്യ കാർഡ് ഉടമകൾക്ക് മൾട്ടിപ്പിൾ എൻട്രി ടൂറിസ്റ്റ് വിസക്കായി നവംബർ ഒന്ന് മുതൽ അപേക്ഷിക്കാം. 90 ദിവസം കാലാവധിയുള്ള വിസ വീണ്ടും 90 ദിവസത്തേക്ക് കൂടി നീട്ടുവാനും സാധിക്കും. 100 ദിർഹമാണ് വിസ ഫീസ്. ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പിന്റെ വെബ്സൈറ്റ് (www.icp.gov.ae) വഴിയാണ് പ്രത്യേക ടൂറിസ്റ്റ് വിസയ്ക്ക് അപേക്ഷിക്കാനാവുക.
ലോകകപ്പിനെത്തുന്നവരുടെ പ്രധാന ഇടത്താവളമായി യുഎഇയെ മാറ്റുകയാണ് പുതിയ വിസ പ്രഖ്യാപനത്തിലൂടെ യുഎഇ ലക്ഷ്യമിടുന്നത്. ഫുട്ബോൾ പ്രേമികൾക്ക് മികച്ച യാത്ര സൗകര്യമൊരുക്കുന്നതിനായി വിമാന കമ്പനികൾ ഷട്ടിൽ സർവീസുകൾ നേരത്തെ പ്രഖ്യാപിച്ചിരുന്നു. കൂടാതെ ഹയ്യാ കാര്ഡ് ഉടമകൾക്കായി സൗദി, ഖത്തര് അതിര്ത്തിയും ഇതിനകം തുറന്നുകഴിഞ്ഞു.
മത്സരങ്ങളുടെ ടിക്കറ്റ് സ്വന്തമാക്കിയവര്ക്ക് ഖത്തറിലേക്ക് പ്രവേശിക്കുന്നതിന് വിസയ്ക്ക് പകരം അനുവദിക്കുന്ന പാസാണ് ഹയ്യാ കാര്ഡ്. ഇതിനായി പ്രത്യേ ക അപേക്ഷ സമര്പ്പിക്കേണ്ടതുണ്ട്.
