പങ്കാളിയെ കൈമാറിയ കേസില്, പരാതിക്കാരിയായ യുവതിയെ വെട്ടിക്കൊലപ്പെടുത്തിയ ഭര്ത്താവും മരിച്ചു. ആത്മഹത്യയ്ക്ക് ശ്രമിച്ച്, കോട്ടയം മെഡിക്കല് കോളേജില് ചികിത്സയില് കഴിയുകയായിരുന്ന ഷിനോ മാത്യുവാണ് ഇന്ന് പുലര്ച്ചെ നാല് മണിയോടെ മരിച്ചത്.
വിഷം കഴിച്ചാണ് ഷിനോ മാത്യു ആത്മഹത്യയ്ക്ക് ശ്രമിച്ചത്. മണര്കാട് മാലത്തെ വീട്ടില് വെച്ച് ഈ മാസം 19നാണ് ജൂബി ജേക്കബിനെ ഭര്ത്താവായ ഷിനോ മാത്യു കൊലപ്പെടുത്തിയത്. ഇതിന് പിന്നാലെ ഇയാള് വിഷം കഴിക്കുകയായിരുന്നു.
കോട്ടയം മെഡിക്കല് കോളേജ് ആശുപത്രിയില് ചികിത്സയിലായിരുന്ന ഷിനോ ‘പൊളേണിയം’ എന്ന മാരക വിഷമാണ് കഴിച്ചതെന്ന് പൊലീസിനോട് പറഞ്ഞിരുന്നു. വിഷം കഴിച്ച ഇയാള് ചങ്ങനാശേരിയിലെ സ്വകാര്യ ആശുപത്രിയില് ചികിത്സയിലായിരുന്നു. അവിടെ വെച്ച് ഇയാളെ പൊലീസ് കസ്റ്റഡിയില് എടുത്തു. തുടര്ന്ന് കോട്ടയം മെഡിക്കല് കോളേജിലേക്ക് മാറ്റുകയായിരുന്നു. ആരോഗ്യസ്ഥിതി വീണ്ടെടുത്ത ശേഷം ചോദ്യം ചെയ്യാനിരിക്കെയാണ് മരണം.
ജൂബിയുടെ മരണത്തിന് പിന്നാലെ കുടുംബാംഗങ്ങള് ഷിനോയ്ക്കെതിരെ ആരോപണം ഉന്നയിച്ചിരുന്നു. സമൂഹ മാധ്യമങ്ങള് വഴി പങ്കാളികളെ പരസ്പരം കൈമാറ്റം ചെയ്യുന്നതിനെതിരെ ഷിനോയ്ക്കെതിരെ ജൂബി പരാതി നല്കിയിരുന്നു. പിന്നാലെയാണ് ജൂബിയെ വീടിനുള്ളില് കൊലപ്പെട്ട നിലയില് കണ്ടെത്തിയത്. ജൂബിയുടെ കഴുത്തില് ആഴത്തിലുള്ള മുറിവേറ്റതാണ് മരണകാരണം. കത്തി ഉപയോഗിച്ച് കഴുത്തിലെ ഞരമ്പ് മുറിച്ചാണ് കൊലപ്പെടുത്തിയത്.
