തുടർച്ചയായി ഏറ്റവും കൂടുതല്‍ കാലം കേരളത്തിന്റെ മുഖ്യമന്ത്രിയായ വ്യക്തി എന്ന റെക്കോര്‍ഡ് സ്വന്തമാക്കി പിണറായി വിജയൻ. മുഖ്യമന്ത്രിയായിട്ട് ഇന്നേക്ക് 2364 ദിവസം പിന്നിട്ടതോടെയാണ് പിണറായി റെക്കോർഡിന് അർഹനായത്. സി അച്യുതമേനോന്റെ 2364 ദിവസമെന്ന റെക്കോര്‍ഡാണ് അദ്ദേഹം മറികടന്നത്.
ഏറ്റവും കൂടുതൽ കാലം സംസ്ഥാനം ഭരിച്ച വ്യക്തി എന്ന റെക്കോർഡ് ഇ കെ നായനാർക്കാണ്. മുഖ്യമന്ത്രിയായി10 വര്‍ഷവും 353 ദിവസവുമാണ് അദ്ദേഹം ഭരിച്ചത്. അടിയന്തിരാവസ്ഥാ കാലഘട്ടത്തിൽ അച്യുതമേനോന് മന്ത്രിസഭാ കാലാവധി നീട്ടിക്കിട്ടിയതോടെയാണ് 2364 ദിനങ്ങൾ പിന്നട്ടത്. എന്നാൽ തുടര്‍ച്ചയായ രണ്ട് മന്ത്രിസഭാ കാലത്ത് രണ്ട് തവണയും ജനവിധിയിലൂടെ തെരഞ്ഞെടുക്കപ്പെട്ടാണ് പിണറായി വിജയന്‍ ഈ നേട്ടം കൈവരിച്ചത്.
