കണ്ണൂർ: പെരിയ ഇരട്ടക്കൊലക്കേസ് പ്രതിയുടെ മകന്റെ വിവാഹത്തിൽ പങ്കെടുത്ത നാല് കോൺഗ്രസ് നേതാക്കളെ പ്രഥമിക അംഗത്വത്തിൽ നിന്നും പുറത്താക്കി. കെപിസിസി സെക്രട്ടറി ബാലകൃഷ്ണന് പെരിയ, മുന് ബ്ലോക്ക് പ്രസിഡന്റ് രാജന് പെരിയ, മുന് ഉദുമ മണ്ഡലം പ്രസിഡന്റുമാരായ പ്രമോദ് പെരിയ, രാമകൃഷ്ണന് പെരിയ എന്നിവരെയാണ് പ്രാഥമിക അംഗത്വത്തില് നിന്ന് പുറത്താക്കിയത്.
പ്രതികൾ വിവാഹത്തിന് പങ്കെടുത്തത് കൂടാതെ സത്കാരത്തിന് വേണ്ട സഹായം ചെയ്ത് കൊടുക്കുകയും പരസ്യമായി രക്തസാക്ഷി കുടുംബങ്ങളെ അപമാനിക്കുകയും ചെയ്തുവെന്ന് കെപിസിസി ചൂണ്ടിക്കാട്ടി.
കെപിസിസി അന്വേഷണ കമ്മീഷൻ റിപ്പോർട്ടിന്റെ അടിസ്ഥാനത്തിലാണ് നടപടി എടുത്തിരിക്കുന്നത്. കെപിസിസി രാഷ്ട്രീയകാര്യ സമിതി അംഗം എന്.സുബ്രഹ്മണ്യന്, ജനറല് സെക്രട്ടറി പിഎം നിയാസ് എന്നിവരുടെ റിപ്പോര്ട്ടിന്റെ അടിസ്ഥാനത്തിലാണ് നടപടി.
