സകാത്ത് തുക ഇനി ഓൺലൈൻ വഴി കണക്കാക്കാം. വാട്സ്ആപ്പ് വഴി സകാത്ത് തുക കണക്കാക്കാനുള്ള സൗകര്യമാണ് ദുബായിൽ ഒരുക്കിയിരിക്കുന്നത്. വിശുദ്ധ റമദാൻ മാസത്തിൽ തങ്ങളുടെ സമ്പാദ്യത്തിൽ നിന്ന് സകാത്ത് ഇനത്തിൽ എത്ര തുകയാണ്, ആർക്കൊക്കെയാണ് കൃത്യമായി നൽകേണ്ടതെന്ന് സംശയിക്കുന്നവർക്ക് വലിയ ആശ്വാസമാണ് പുതിയ സംവിധാനം.
സർക്കാർ പദ്ധതിയായ ‘സാക്കി പ്ലാറ്റ്ഫോം’ വഴിയാണ് ഈ സൗകര്യം ഏർപ്പെടുത്തിയിരിക്കുന്നത്. +97 18008222 എന്ന വാട്സ്ആപ്പ് നമ്പരിലേക്ക് ഒരു ‘ഹലോ’ സന്ദേശം അയയ്ക്കണം. ഇതിന് റിപ്ലേ ആയി ലഭിക്കുന്ന സന്ദേശത്തിൽനിന്ന് ‘ സകാത്ത് കാൽക്കുലേഷൻ ‘ എന്ന ഓപ്ഷൻ തിരഞ്ഞെടുക്കണം.
നിങ്ങളുടെ വ്യക്തിഗത സമ്പത്ത് ആകെ 20,378.75 ദിർഹത്തിന് മുകളിലാണെങ്കിലാണ് അതിൽനിന്ന് ഒരു നിശ്ചിത തുക സകാത്ത് നൽകാൻ അവസരം ഒരുക്കുക. ശേഷം വരുന്ന നിർദ്ദേശങ്ങൾക്കനുസരിച്ച്, പണത്തിൽനിന്നുള്ള സകാത്ത് തുകയും അതുപോലെ, സ്വർണ്ണത്തിനുള്ള സകാത്ത്, വെള്ളിക്കുള്ള സകാത്ത്, കന്നുകാലികൾക്കും മറ്റു സമ്പാദ്യങ്ങൾക്കുമുള്ള സകാത്തും കണക്ക് കൂട്ടാൻ ഈ സൗകര്യം ഉപയോഗിക്കാം.
