ഓണക്കാലത്തെ മദ്യവില്‍പ്പനയില്‍ റെക്കോര്‍ഡിട്ട് ബെവ്‌കോ. 759 കോടിയുടെ മദ്യമാണ് ഇത്തവണ വിറ്റ് തീര്‍ന്നത്. സര്‍ക്കാര്‍ ഖജനാവിലേക്ക് ഓണം പ്രമാണിച്ച് മാത്രം 675 കോടി രൂപയാണ് ലഭിച്ചത്.
കഴിഞ്ഞ ഓണക്കാലത്ത് 700 കോടിയായിരുന്നു മദ്യവില്‍പ്പനയെങ്കില്‍ ഇത്തവണ 59 കോടിയുടെ അധിക വില്‍പ്പനയാണ് ഉണ്ടായിരിക്കുന്നത്.
ജവാന്‍ റം ആണ് കൂടുതലും വിറ്റത്. ആറ് ലക്ഷത്തി മുപ്പതിനായിരം ലിറ്റര്‍ ജവാനാണ് വിറ്റഴിഞ്ഞത്.
ഏറ്റവും കൂടുതല്‍ മദ്യ വില്‍പ്പന നടന്നത് മലപ്പുറം തിരൂരിലെ ബെവ്‌കോ ഔട്ട്‌ലെറ്റ് വഴിയാണ്. ഏഴ് കോടി രൂപയുടെ മദ്യമാണ് ഇവിടെ വിറ്റത്. ഉത്രാടത്തിന് 116 കോടി രൂപയും അവിട്ടം ദിനത്തില്‍ 91 കോടി രൂപയുമാണ് മദ്യ വില്‍പ്പനയിലൂടെ ബെവ് കോ നേടിയത്.
