ട്രാഫിക് നിയമ ലംഘനങ്ങള് പിടികൂടാന് സംസ്ഥാനത്ത് നാളെ മുതല് എ ഐ ക്യാമറകള് പ്രവര്ത്തനക്ഷമമാകും. മുഖ്യമന്ത്രി പിണറായി വിജയന് നാളെ മൂന്നരയ്ക്ക് ഉദ്ഘാടനം ചെയ്യും.
കുട്ടികളായാല് പോലും ഇരുചക്ര വാഹനത്തില് രണ്ട് പേരില് കൂടുതല് പേര് യാത്ര ചെയ്താല് 2000 രൂപ പിഴ ചുമത്തും.
കുട്ടികളുണ്ടെന്ന പേരില് സീറ്റ് ബെല്റ്റ ഒഴിവാക്കുന്നതും നിയമ ലംഘനമാണെന്നും ഗതാഗത കമ്മീഷണര് എസ് ശ്രീജിത് ഏഷ്യാനെറ്റിനോട് പറഞ്ഞു. കൈകുഞ്ഞുങ്ങള് കാറിന്റെ പുറകിലിരിക്കുന്നവര്ക്ക് ഒപ്പമായിരിക്കണം എന്നും അദ്ദേഹം പറഞ്ഞു.
ദേശീയ സംസ്ഥാന പാതകളിലായി 726 ക്യാമറകളാണ് സ്ഥാപിച്ചിരിക്കുന്നത്. പ്രധാനമായും ആറ് നിയമ ലംഘനങ്ങളാണ് ക്യാമറ വഴി പിടികൂടുന്നത്. സീറ്റ്ബെല്റ്റും ഹെല്മെറ്റും ധരിക്കാതെ യാത്ര ചെയ്താല് 500 രൂപയായിരിക്കും പിഴ. വാഹനമോടിച്ചുകൊണ്ട് മൊബൈല് ഉപയോഗിച്ചാല് 2000 രൂപയായിരിക്കും പിഴ. ആവര്ത്തിച്ചാല് ലൈസന്സ് റദ്ദാക്കും.
ചുവന്ന ലൈറ്റും ട്രാഫിക് ലൈനുകളും മറികടന്നാല് ശിക്ഷ കോടതി തീരുമാനിക്കും. റിയര്വ്യൂ മിറര് ഇല്ലെങ്കിലും അനധികൃത പാര്ക്കിംഗിനും 250 രൂപ. അമിത വേഗത്തിന് 1500 രൂപയാണ് പിഴ. സംസ്ഥാനത്ത് 726 ക്യാമറകളാണ് നിയമലംഘനങ്ങള് പിടികൂടാന് സ്ഥാപിച്ചിരിക്കുന്നത്.
