മലയാളി യുവാവിനെ സൗദി അറേബ്യയിലെ താമസസ്ഥലത്ത് മരിച്ച നിലയില് കണ്ടെത്തി. 32കാരനായ ഷംനാസ് മേനോത്തിനെയാണ് താമസ സ്ഥലത്ത് മരിച്ച നിലയില് കണ്ടെത്തിയത്.
ഷംസാദ് ഭാര്യയ്ക്കും മകള്ക്കുമൊപ്പമാണ് സൗദിയില് താമസിച്ചിരുന്നത്. ഒരാഴ്ച മുമ്പാണ് ഭാര്യയും മകളും നാട്ടിലേക്ക് മടങ്ങിയത്. ഇതിന് പിന്നാലെയാണ് യുവാവിനെ മരിച്ച നിലയില് കണ്ടെത്തിയത്.
പത്ത് വര്ഷമായി ഡ്രൈവറായി ജോലി ചെയ്ത് വരികയായിരുന്നു ഇദ്ദേഹം. നാറാത്ത് സ്വദേശി ആദിലയാണ് ഭാര്യ. ഒരു മകനും മകളുമുണ്ട്. മൃതദേഹം ഖത്തീഫ് സെന്ട്രല് ആശുപത്രി മോര്ച്ചറിയിലേക്ക് മാറ്റി. മൃതദേഹവുമായി ബന്ധപ്പെട്ട തുടര് നടപടികള് പൂര്ത്തിയാക്കി വരുന്നതായി ഖത്തീഫ് കെഎംസിസി അറിയിച്ചു.
