യുഎഇയിലെ മലയാളി വിദ്യാർത്ഥിക്ക് എച്9 ഇവന്റ്സിന്റെ പ്രഥമ ബാലപ്രതിഭാ പുരസ്കാരം സമ്മാനിച്ചു. അമേരിക്കൻ ഇന്റർനാഷനൽ സ്കൂൾ പതിനൊന്നാം ക്ലാസ് വിദ്യാർഥിയായ അമിത് മാസിൻ ശബീലിന് അൽ ബർഷാ പൊലീസ് തലവൻ മേജർ ഒമർ മുഹമ്മദ് സുബൈർ അൽ മർസൂഖി സമ്മാനം വിതരണം ചെയ്തു.
മലപ്പുറം എരമംഗലം സ്വദേശി അഡ്വ.ഷബീൽ ഉമ്മറിന്റെയും ഡോ.സുമയ്യ ഷബീലിന്റെയും മകനാണ് 16കാരനായ അമിത്. അജ്‌മാൻ ടൂറിസ്റ്റ് അറ്റൻഷൻ തലവൻ മൈദ അൽ സുവൈദി, മലയാള സിനിമാ നടി അതിഥി രവി, ലുലു ഖസൈസ് മാനേജർ ഫദലു എന്നിവർ ചടങ്ങിൽ പങ്കെടുത്തു. ഗായകരായ ഇഷാൻ ദേവ്, സരിഗമപ ഫെയിം റിതു രാജ് എന്നിവരുടെ സംഗീത വിരുന്നും ഉണ്ടായിരുന്നു.
