പ്രധാനമന്ത്രിയെ കണ്ട് ചെറിയ പെരുന്നാൾ ആശംസിച്ച് എം.എ യൂസഫലി

ദില്ലി: ലുലു ഗ്രൂപ്പ് ചെയർമാൻ എം.എ യൂസഫലി പ്രധാനമന്ത്രി നരേന്ദ്രമോദിയെ സന്ദർശിച്ചു. ദില്ലി കല്ല്യാണ് മാർഗ്ഗിലെ പ്രധാനമന്ത്രിയുടെ ഔദ്യോഗിക വസതിയിലെത്തിയാണ് യൂസഫലി നരേന്ദ്രമോദിയെ കണ്ടത്.

പ്രധാമന്ത്രിയെ ചെറിയ പെരുന്നാൾ ആശംസകൾ അറിയിച്ചെന്നും വലിയ തിരക്കുകൾക്കിടയിലും മോദിയെ കാണാൻ അവസരമൊരുക്കി തന്നെ പ്രധാനമന്ത്രിയുടെ ഓഫീസിന് നന്ദി അറിയിക്കുന്നതായും യൂസഫലി പിന്നീട് ട്വിറ്ററിൽ കുറിച്ചു.

ശ്രീനഗറിലും അഹമ്മദാബാദിലുമായി നിർമ്മാണം പുരോഗമിക്കുന്ന ലുലു മാളിൻ്റെ വിവരങ്ങൾ യൂസഫലി പ്രധാനമന്ത്രിയെ ധരിപ്പിച്ചു. കശ്മീരിലേയും വടക്കുകിഴക്കേ ഇന്ത്യയിലേയും കർഷകരിൽ നിന്നും പച്ചക്കറികൾ നേരിട്ട് ശേഖരിച്ച് ഗൾഫ് രാജ്യങ്ങളിലേക്ക് കയറി അയക്കാനുള്ള പദ്ധതിയെക്കുറിച്ചും അദ്ദേഹം മോദിയോട് വിശദീകരിച്ചു.

Very pleased to meet Hon’ble Prime Minister of India Shri. @narendramodi Ji at PM’s Residence in New Delhi today and I conveyed Eid Mubarak to Hon’ble PM and expressed thanks for giving me a time during busy schedules @PMOIndia ???????? pic.twitter.com/Gtc0LAx2KT

— Yusuffali M. A. (@Yusuffali_MA) April 27, 2023