ത്രൃണമൂല് കോണ്ഗ്രസ് എം പി മഹുവ മൊയ്ത്രയെ ലോക്സഭയില് നിന്ന് പുറത്താക്കി. പാര്ലമെന്റില് അദാനിക്കെതിരെ ചോദ്യം ചോദിക്കാന് പണം വാങ്ങിയെന്ന ആരോപണത്തിന് പിന്നാലെയാണ് പുറത്താക്കല് നടപടി.
പരാതി അന്വേഷിച്ച എത്തിക്സ് കമ്മിറ്റി മഹുവയെ പുറത്താക്കാന് ശുപാര്ശ ചെയ്ത് റിപ്പോര്ട്ട് നല്കിയിരുന്നു. ഈ റിപ്പോര്ട്ട് പരിഗണിച്ച് പ്രമേയം അവതരിപ്പിച്ചാണ് ലോക്സഭയില് നിന്ന് മഹുവയെ പുറത്താക്കിയത്.
എത്തിക്സ് കമ്മിറ്റി റിപ്പോര്ട്ട് പഠിക്കാന് സമയം അനുവദിക്കണമെന്ന് കോണ്ഗ്രസ് അടക്കമുള്ള പ്രതിപക്ഷം ആവശ്യപ്പെട്ടെങ്കിലും സ്പീക്കര് ഇതിന് അനുവാദം നല്കിയില്ല. മഹുവയ്ക്ക് പാര്ലമെന്റില് പ്രതികരിക്കാന് അവസരം നല്കണമെന്ന ആവശ്യവും അംഗീകരിച്ചില്ല.
അതേസമയം എത്തിക്സ് കമ്മിറ്റി എല്ലാ നിയമവും ലംഘിച്ചെന്ന് പാര്ലമെന്റില് നിന്ന് പുറത്തിറങ്ങിയ ശേഷം മഹുവ മൊയ്ത്ര പ്രതികരിച്ചു.
