എറണാകുളത്ത് ഭക്ഷ്യവിഷബാധയേറ്റ് യുവാവ് മരിച്ചെന്ന പരാതിയില്‍ ലെ ഹയാത്ത് ഹോട്ടലിനെതിരെ മനഃപൂര്‍വ്വമായ നരഹത്യവകുപ്പ് ചുമത്തി. തൃക്കാക്കര പൊലീസാണ് ഹോട്ടലിനെതിരെ നടപടിയെടുത്തത്.
ലെ ഹയാത്തില്‍ നിന്ന് ഷവര്‍മ കഴിച്ചതിന് പിന്നാലെ ശാരീരിക അസ്വസ്ഥതകളെ തുടര്‍ന്ന് പാലാ ചെമ്പിളാവ് സ്വദേശി രാഹുല്‍ മരിച്ചിരുന്നു. രാഹുല്‍ ഭക്ഷ്യവിഷബാധയെ തുടര്‍ന്നാണ് മരിച്ചതെന്ന് ആരോപിച്ച് ബന്ധുക്കള്‍ ഹോട്ടലിനെതിരെ പരാതി നല്‍കിയിരുന്നു.
ഇതേ ഹോട്ടലില്‍നിന്ന് രാഹുല്‍ ഭക്ഷണം പാഴ്‌സല്‍ വാങ്ങി കഴിച്ച ദിവസവും അടുത്ത ദിവസങ്ങളിലുമായി ഭക്ഷണം കഴിച്ച പത്ത് പേരാണ് ശാരീരിക അസ്വസ്ഥതകളെ തുടര്‍ന്ന് ചികിത്സ തേടിയത്.
മരിച്ച രാഹുലിന്റേതുള്‍പ്പെടെ മൂന്ന് പേരുടെ രക്തത്തില്‍ സാല്‍മൊണെല്ല ബാക്ടീരിയയുടെ സാന്നിധ്യം കണ്ടെത്തിയിരുന്നു. മൈക്രോ ബയോളജി പരിശോധനയില്‍ രാഹുലിന്റെ ശരീരത്തില്‍ ഷിഗെല്ല ബാക്ടീരിയയുടെ സാന്നിധ്യവും കണ്ടെത്തിയിരുന്നു.
