ദുബായ്: കണ്ണൻ രവി ഗ്രൂപ്പിന്റെ ഉടമസ്ഥതയിലുള്ള പുതിയ ഗ്രാൻഡ് എന്റർടൈൻമെന്റ് ഡെസ്റ്റിനേഷനുകളായ പാന്തർ ക്ലബ്, എടികെ സ്ക്വയർ റസ്റ്റോറൻ്റ് എന്നിവ ദുബായ് ക്രീക്കിലെ മാരിയറ്റ് മാർക്വിസ് ഹോട്ടലിൽ പ്രവർത്തനമാരംഭിച്ചു.
ബോളിവുഡ് താരം ഷാരൂഖ് ഖാൻ റസ്റ്റോബാറിന്റെ ഉദ്ഘാടനം നിർവ്വഹിച്ചു. കണ്ണൻ രവിയുടെയും ദീപക് രവിയുടെയും നേതൃത്വത്തിലാണ് പ്രവർത്തനം. ചടങ്ങിൽ മറ്റ് കുടുംബാംഗങ്ങളും പങ്കെടുത്തു. അത്യാധുനിക ഇന്റീരിയറുകൾ, ലോകോത്തര ലൈറ്റിംഗ്, പ്രീമിയം സൗണ്ട് സംവിധാനം എന്നിവ ഉപയോഗിച്ചാണ് ക്ലബ്ബിന്റെ രൂപകൽപ്പന. ആന്ധ്ര, തെലുങ്കാന, കർണ്ണാടക, തമിഴ്നാട്, കേരള എന്നിവിടങ്ങളിലെ രുചികളിലുള്ള ഭക്ഷണമാണ് എടികെ സ്ക്വയർ റസ്റ്ററന്റിൽ ലഭ്യമാണ്.
ദുബായ് ആസ്ഥാനമായി റിയൽ എസ്റ്റേറ്റ്, ഹോസ്പിറ്റാലിറ്റി, എന്റർടൈൻമെന്റ്, മറ്റ് ആഡംബര സേവനങ്ങളിൽ പ്രവർത്തിക്കുന്ന ബിസിനസ്സ് കൂട്ടായ്മയാണ് കണ്ണൻ രവി ഗ്രൂപ്പ്. ഷാരൂഖ് ഖാന്റെ പേരിൽ ദുബായ് ശൈഖ് സായിദ് റോഡിൽ ലോഞ്ച് ചെയ്ത കൊമേഴ്സ്യൽ ടവർ ചരിത്രം കുറിച്ചിരുന്നു. ലോഞ്ചിങ് ദിനത്തിൽ തന്നെ ഏകദേശം 5,000 കോടിയിലേറെ രൂപയുടെ പ്രോപ്പർട്ടികളാണ് വിറ്റുപോയത്. ഒരു സെലിബ്രിറ്റിയുടെ പേരിൽ റിയൽ എസ്റ്റേറ്റ് ഇത്രവേഗം വിറ്റഴിയുന്നത് ദുബായ് വിപണിയിലും ആദ്യ സംഭവമായിരുന്നു.
