ദുബായ്: യുഎഇയിലെ സംരംഭകരിൽ ഒന്നാം സ്ഥാനം ഇന്ത്യക്കാർക്ക്. കഴിഞ്ഞ വർഷം മാത്രം ഇന്ത്യക്കാർ തുടക്കമിട്ടത് 15481 സ്ഥാപനങ്ങൾക്കാണ്. മുൻവർഷത്തെ അപേക്ഷിച്ച് 38% വർധനവാണ് ഇക്കുറി രേഖപ്പെടുത്തിയിരിക്കുന്നത്. ദുബായ് ചേംബർ ഓഫ് കൊമേഴ്സാണ് കണക്കുകൾ പുറത്തുവിട്ടത്.
രണ്ടാം സ്ഥാനത്ത് നിൽക്കുന്ന പാകിസ്ഥാനികൾ 8036 സ്ഥാപനങ്ങൾ പുതിയതായി തുടങ്ങി. കഴിഞ്ഞ വർഷത്തെ അപേക്ഷിച്ച് 71.1% കൂടുതൽ ആണിത്. ഈജിപ്ത്, സിറിയ, യുകെ,ബംഗ്ലാദേശ്, ചൈന, ജോർദാൻ, ഇറാഖ് എന്നീ രാജ്യങ്ങളാണ് പിന്നാലെ ഉളളത്. വ്യാപാരം , സേവനം, റിയൽ എസ്റ്റേറ്റ് ട്രാൻസ്പോർട്ട്, കമ്യൂണിക്കേഷൻ മേഖലകളിലാണ് കൂടുതൽ സ്ഥാപനങ്ങളും പ്രവർത്തനം ആരംഭിച്ചത്.
