കൊച്ചി: സൊമാലിയന്‍ സായുധ കടല്‍ക്കൊള്ളക്കാര്‍ തട്ടിക്കൊണ്ടു പോയ മത്സ്യബന്ധന കപ്പല്‍ ഇന്ത്യന്‍ നാവിക സേന മോചിപ്പിച്ചു. ഇറാനിയന്‍ പതാകയുള്ള മത്സ്യബന്ധന കപ്പലായ അല്‍ നെമിയെയാണ് ഇന്ത്യന്‍ നാവിക സേനയുടെ യുദ്ധകപ്പല്‍ ഐ.എന്‍.എസ് സുമിത്ര രക്ഷപ്പെടുത്തിയത്. കപ്പലിലുണ്ടായിരുന്ന 19 പാക് ജീവനക്കാരെയാണ് ഐ.എന്‍.എസ് സുമിത്ര രക്ഷപ്പെടുത്തിയത്. കടല്‍ക്കൊള്ളക്കാരെ നാവികസേന കസ്റ്റഡിയിലെടുത്തു.
സായുധരായ 11 കടല്‍ക്കൊള്ളക്കാരായാണ് മത്സ്യബന്ധന കപ്പല്‍ തട്ടിയെടുക്കാന്‍ ശ്രമിച്ചത്. കടല്‍ക്കൊള്ളക്കാരെ തുരത്തി ബന്ദികളെ മോചിപ്പിക്കുകയും ബന്ദികളായവര്‍ ആരോഗ്യവാന്മാരാണെന്ന് പരിശോധിക്കുകയും ചെയ്തു.
#INSSumitra Carries out 2nd Successful #AntiPiracy Ops – Rescuing 19 Crew members & Vessel from Somali Pirates.
Having thwarted the Piracy attempt on FV Iman, the warship has carried out another successful anti-piracy ops off the East Coast of Somalia, rescuing Fishing Vessel Al… https://t.co/QZz9bCihaU pic.twitter.com/6AonHw51KX
— SpokespersonNavy (@indiannavy) January 30, 2024
24 മണിക്കൂറിനിടെ രണ്ടാമത്തെ വിജയകരമായ നടത്തുന്ന ഓപ്പറേഷനാണിത്. ഇന്നലെ എഫ് വി ഇമാന്‍ എന്ന കപ്പലാണ് കടല്‍ക്കൊള്ളക്കാരുടെ പിടിയില്‍ നിന്നും മോചിപ്പിച്ചത്. സുരക്ഷ ഉറപ്പാക്കുന്നതിന്റെ ഭാഗമായി ഇന്ത്യന്‍ നാവിക സേനയുടെ യുദ്ധക്കപ്പലുകള്‍ ഇന്ത്യന്‍ മഹാസമുദ്ര മേഖലയ്ക്ക് ചുറ്റും വിന്യസിച്ചിരിക്കുകയാണെന്ന് പ്രതിരോധ മന്ത്രാലയത്തിലെ ഉദ്യോഗസ്ഥര്‍ വ്യക്തമാക്കിയിട്ടുണ്ട്.
