കീടനാശിനി നല്കി ഭാര്യയെ കൊലപ്പെടുത്താന് ശ്രമിച്ച കേസില് ഭര്ത്താവ് പൊലീസ് പിടിയില്. ഭാര്യയെ ആക്രമിച്ച് കീഴ്പ്പെടുത്തിയ ശേഷം വായില് കീടനാശിനി ഒഴിക്കുകയായിരുന്നുവെന്നാണ് പരാതി. ഭാര്യ സുകന്യയ്ക്ക് മറ്റൊരാളുമായി ബന്ധമുണ്ടെന്ന് ആരോപിച്ചാണ് യുവാവ് കൊലപ്പെടുത്താന് ശ്രമിച്ചത്.
കാട്ടാക്കട പള്ളിത്തറ അനഘ ഭവനില് അജിത്തിനെയാണ് കുളത്തൂപ്പുഴ പൊലീസ് അറസ്റ്റ് ചെയ്തത്. ഓഗസ്റ്റ് ഒന്പതിന് കുളത്തൂപ്പുഴ കല്ലാര് എസ്റ്റേറ്റ് തോട്ടത്തിലെ ലയത്തിലാണ് സംഭവം.
സുകന്യയുമായി വഴക്കിട്ട അജിത്ത് അവരുടെ വായില് കീടനാശിനി ഒഴിക്കുകയായിരുന്നു. എസ്റ്റേറ്റിലെ മറ്റ് തൊഴിലാളികളുടെ സഹായത്തോടെ സുകന്യയെ തിരുവനന്തപുരം മെഡിക്കല് കോളേജ് ആശുപത്രിയില് എത്തിച്ച് ചികിത്സ നല്കി.
സുകന്യയുടെ മൊഴിയെ തുടര്ന്നാണ് പൊലീസ് വധശ്രമത്തിന് കേസെടുത്തത്. അജിത്തിനെ അറസ്റ്റ് ചെയ്ത് കോടതിയില് ഹാജരാക്കിയ ശേഷം റിമാന്ഡ് ചെയ്തു.
