ഷറഫുദ്ധീനും ഐശ്വര്യ ലക്ഷ്മിയും ഒരുമിക്കുന്ന ഫാന്റസി കോമഡി ചിത്രം ഹലോ മമ്മിയുടെ ടൈറ്റില്‍ പോസ്റ്റര്‍ പുറത്തിറങ്ങി. നിരവധി പരസ്യചിത്രങ്ങളിലൂടെ പ്രശസ്തനായ വൈശാഖ് എലന്‍സ് സംവിധാനം ചെയ്യുന്ന ആദ്യ ചിത്രമാണ് ഹലോ മമ്മി. ഫാലിമിയുടെ രചന നിര്‍വഹിച്ച സാന്‍ജോ ജോസഫ് ആണ് ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത്. ഹാങ്ങ് ഓവര്‍ ഫിലിംസും എ ആന്‍ഡ് എച്ച് എസ് പ്രൊഡക്ഷനും ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ഫെബ്രുവരി 4ന് ചിത്രത്തിന്റെ ഷൂട്ടിംഗ് തൃശൂര്‍ മാളയില്‍ ആരംഭിച്ചു.
ഹിന്ദി ചലച്ചിത്രങ്ങളിലൂടെയും ആസ്പിരന്റ്‌സ് , ദി ഫാമിലി മാന്‍,ദി റെയില്‍വേ മെന്‍ തുടങ്ങിയ വെബ് സീരീസുകളിലൂടെയും ശ്രേദ്ധേയനായ നടന്‍ സണ്ണി ഹിന്ദുജ പ്രധാന വേഷത്തില്‍ അഭിനയിക്കുന്ന ആദ്യ മലയാള ചിത്രമാണിത്. അജു വര്‍ഗീസ്, ജഗദീഷ്, ജോണി ആന്റണി, ബിന്ദു പണിക്കര്‍, അദ്രി ജോ, ശ്രുതി സുരേഷ്, ഗംഗാ മീരാ, ജോമോന്‍ ജ്യോതിര്‍ എന്നിവര്‍ ഹലോ മമ്മിയിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ജോമിന്‍ മാത്യു, ഐബിന്‍ തോമസ്, രാഹുല്‍.ഇ.എസ് എന്നിവരാണ് ചിത്രത്തിന്റെ പ്രൊഡ്യൂസേഴ്സ്. സജിന്‍ അലി, നിസാര്‍ ബാബു, ദിപന്‍ പട്ടേല്‍ എന്നിവരാണ് ചിത്രത്തിന്റെ സഹനിര്‍മ്മാതാക്കള്‍.
സന്തോഷ് ശിവന്റെ അസ്സോസിയേറ്റ് ആയിരുന്ന പ്രവീണ്‍ കുമാറാണ് ഹലോ മമ്മിയുടെ ഛായാഗ്രഹണം നിര്‍വഹിക്കുന്നത്. 2018, ആര്‍ ഡി എക്‌സ് തുടങ്ങിയ ഹിറ്റ് ചിത്രങ്ങളുടെ ചിത്രസംയോജനം നിര്‍വഹിച്ച ചമന്‍ ചാക്കോയാണ് ചിത്രത്തിന്റെ എഡിറ്റര്‍. ജേക്ക്‌സ് ബിജോയിയാണ് ഹലോ മമ്മിയുടെ സംഗീത സംവിധാനം നിര്‍വഹിക്കുന്നത്. പ്രൊഡക്ഷന്‍ കണ്‍ട്രോളര്‍ : പ്രശാന്ത് നാരായണന്‍, ഗാന രചന : മുഹ്സിന്‍ പരാരി, വസ്ത്രാലങ്കാരം : സമീറാ സനീഷ്, മേക്കപ്പ് : റോണക്‌സ് സേവ്യര്‍, പ്രൊഡക്ഷന്‍ ഡിസൈന്‍ : സാബു മോഹന്‍, സൗണ്ട് ഡിസൈന്‍ : സിങ് സിനിമ, ചീഫ് അസ്സോസിയേറ്റ് : വിശാഖ് ആര്‍ വാരിയര്‍, വി എഫ് എക്‌സ് : ഹാങ്ങ് ഓവര്‍ വി എഫ് എക്‌സ്, ഫൈറ്റ് : പി സി സ്റ്റണ്ട്‌സ്, കൊറിയോഗ്രാഫി : ഷെരീഫ്, സ്റ്റില്‍ : അമല്‍ സി സദര്‍, ഡിസൈന്‍ : യെല്ലോ ടൂത്ത്, പി ആര്‍ ഓ : പ്രതീഷ് ശേഖര്‍.
