ദുബായ്: ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിൻ അഫയേഴ്‌സ് (GDRFA) ദുബായ് ഹിൽസ് മാളിൽ “ഞങ്ങൾ നിങ്ങൾക്കുവേണ്ടി ഇവിടെയുണ്ട്” (We Are Here For You) എന്ന പേരിൽ സേവന പ്രചാരണ ക്യാമ്പ് സംഘടിപ്പിച്ചു.
ജിഡിആർഎഫ്എ നൽകുന്ന വൈവിധ്യമായ സേവനങ്ങളെക്കുറിച്ച് പൊതുജനങ്ങളെ ബോധവൽക്കരിക്കുകയും ആശയവിനിമയ ഉപകരണങ്ങൾ മെച്ചപ്പെടുത്തുകയും ഉപഭോക്താക്കളുമായി നിരന്തരമായ ഇടപഴകൾ പ്രോത്സാഹിപ്പിക്കുകയും ചെയ്യുന്നതിന്റെ ഭാഗമായാണ് ക്യാമ്പയിൻ സംഘടിപ്പിച്ചത്.
ജിഡിആർഎഫ്എയുടെ വിവിധ സേവനങ്ങളെക്കുറിച്ചുള്ള വിശദമായ വിവരങ്ങൾ ഉപഭോക്താക്കൾക്ക് നൽകുന്നതിനായി ഒരു പ്രത്യേക പ്ലാറ്റ്‌ഫോം സ്ഥാപിച്ചു. ഈ പ്ലാറ്റ്‌ഫോം വഴി, സന്ദർശകർക്ക് വിവിധ ഇടപാടുകൾക്ക് നേരിട്ട് അപേക്ഷിക്കാനുള്ള സഹായവും നൽകി
ക്യാമ്പയിൻ ഫ്ലാറ്റ് ഫോം ജിഡിആർഎഫ്എ- ദുബായ് ഡയറക്ടർ ജനറൽ ലഫ്റ്റനന്റ് ജനറൽ മുഹമ്മദ്‌ അഹ്‌മദ്‌ അൽ മർറി, അസിസ്റ്റന്റ് ഡയറക്ടർ മേജർ ജനറൽ ഉബൈദ് മുഹൈർ ബിൻ സുറൂർ, മറ്റ് ഉന്നത ഉദ്യോഗസ്ഥരും നൂറുകണക്കിന് ഉപഭോക്താക്കളും സന്ദർശിച്ചു.
ക്യാമ്പയിനിൽ, ജിഡിആർഎഫ്എയുടെ സ്മാർട്ട് ആപ്പ്, ഗോൾഡൻ വിസ എന്നിവയുടെ വിശദവിവരങ്ങൾ പൊതുജനങ്ങളെ പരിചയപ്പെടുത്തി. സേവന കേന്ദ്രങ്ങളിലേക്കുള്ള സന്ദർശനം ഒഴിവാക്കി അപേക്ഷകളുടെ സമർപ്പണവും തുടർച്ചയുമായ നടപടികളും ലളിതമാക്കുന്ന സ്മാർട്ട് ആപ്പ് പൊതുജനങ്ങളെ പരിചയപ്പെടുത്തുകയും ചെയ്തു.
